१ एप्रिल दिनविशेष - इतिहासातील जागतिक दिवस, ठळक घटना, वाढदिवस, स्मृती दिवसांची संदर्भासहित माहिती देणारे दिनांक १ एप्रिल चे दिनविशेष.
केशव बळीराम हेडगेवार - (१ एप्रिल १८८९ - २१ जून १९४०) केशव बळीराम हेडगेवार हे राष्ट्रीय स्वयंसेवक संघाचे संस्थापक व भारतीय स्वातंत्र्य लढ्यातील एक कार्यकर्ते होते.
जागतिक दिवस
१ एप्रिल रोजी पाळले जाणारे जागतिक दिवस- एप्रिल फूलचा दिवस: (अनेक देशांमध्ये १ एप्रिल रोजी हा दिवस साजरा केला जातो. या दिवशी मित्रांच्या खोड्या काढल्या जातात किंवा त्याच्यावर विनोद केले जातात. याचा एकमात्र उद्देश त्यांना ओशाळवणे हाच असतो).
- उत्कल दिवस: ओरिसा.
ठळक घटना (घडामोडी)
१ एप्रिल रोजी घडलेल्या ठळक ऐतिहासिक घटना आणि घडामोडी- ५२७: बायझेन्टाईन सम्राट जस्टिन पहिले यांनी स्वतःचे भाचे जस्टीनियन पहिले यांस आपला वारसदार घोषित केले.
- १६६९: उत्तर भारतातील देवालये तोडण्यासाठी औरंगजेब याने विशेष फौज तैनात केली (संदर्भ उपलब्ध नसल्याने सत्यता पडताळता आलेली नाही).
- १८२६: इंटर्नल कंबस्टन इंजिनासाठी सॅम्युएल मोरी याला पेटंट.
- १८६९: भारतात नवा घटस्फोटाचा कायदा लागू.
- १८८७: मुंबई अग्निशमन दल स्थापन करण्यात आले.
- १९१२: भारताची राजधानी कलकत्ता येथून दिल्लीला हलवणार अशी अधिकृत सूचना जारी.
- १९२२: भारतात इन्कम टॅक्स कार्यान्वित.
- १९२८: पुणे वेधशाळेच्या कामकाजास प्रारंभ झाला. यापूर्वी हवामानखात्याचे कामकाज सिमला येथून चालत असे. त्यामुळे पुण्यातील या वेधशाळेला ’सिमला ऑफिस’ असे म्ह्टले जाते.
- १९३३: भारतीय हवाईदलाच्या पहिल्या विमानाचे कराची येथे औपचारिक उड्डाण.
- १९३५: भारतीय रिझर्व बँकेची स्थापना.
- १९३६: ओरिसा राज्याची स्थापना झाली.
- १९५४: भारतातल्या फ्रेंच वसाहती भारताच्या नियंत्रणाखाली आल्या.
- १९५५: गीतरामायणातील पहिले गाणे पुणे आकाशवाणीवरुन प्रसारित झाले. या दिवशी रामनवमी होती.
- १९५७: भारतात दशमान पद्धतीची नाणी-नोटा प्रमाणित (१ रुपया =१०० नवे पैसे). त्यानुसार पोस्टाची तिकीटेही जारी.
- १९५७: बीबीसीने स्पगेटीच्या झाडाची अफवा प्रसारित केली.
- १९६९: भारताचे पहिले अणुउर्जा केंद्र तारापूर येथे सुरू झाले.
- १९७३: कॉर्बेट नॅशनल पार्कमध्ये ’प्रोजेक्ट टायगर’ची सुरूवात झाली.
- १९९०: डॉ. बाबासाहेब आंबेडकर यांना ’भारतरत्‍न’.
- १९९७: हेल-बॉप धूमकेतू सूर्याच्या सगळ्यात जवळ.
- २००४: गूगलने जीमेल ही ई-पत्र प्रणाली सुरू केली.
जन्म (वाढदिवस, जयंती)
१ एप्रिल रोजी जन्मदिवस असलेली प्रसिद्ध व्यक्तिमत्वे- १२२०: गो-सागा (जपानी सम्राट, मृत्यू: १७ मार्च १२७२).
- १६२१: गुरू तेग बहादूर (शिखांचे नववे गुरू, विविध विषयांवर त्यांनी सुमारे ११६ पदे रचली आहेत, मृत्यू: ११ नोव्हेंबर १६७५).
- १८८९: केशव बळीराम हेडगेवार (भारतीय हिंदुराष्ट्रवादी, राष्ट्रीय स्वयंसेवक संघाचे संस्थापक व पहिले सरसंघचालक, मृत्यू: २१ जून १९४०).
- १९०७: शिवकुमार स्वामी (भारतीय धार्मिक नेते व समाजसेवक, मृत्यू: २१ जानेवारी २०१९).
- १९३६: तरुण गोगोई (आसामचे मुख्यमंत्री, मृत्यू: २३ नोव्हेंबर २०२०).
- १९४१: अजित वाडेकर (भारतीय क्रिकेट संघाचे नायक, मृत्यू: १५ ऑगस्ट २०१८).
मृत्यू (पुण्यतिथी, स्मृती दिवस, बलिदान दिवस, शहीद दिवस)
१ एप्रिल रोजी मृत्यू पावलेली प्रसिद्ध व्यक्तिमत्वे- १०८५: शेन्झॉंग (नी सम्राट, जन्म: २५ मे १०४८).
- १९८९: श्रीधर महादेव तथा एस. एम. जोशी (समाजवादी, कामगार नेते, पत्रकार, संयूक्त महाराष्ट्र चळवळीचे अध्वर्यू, जन्म: १२ नोव्हेंबर १९०४).
- १९९९: श्रीराम भिकाजी वेलणकर (भारतीय टपालखात्याच्या ’पिन कोड’ प्रणालीचे जनक, संस्कृत व पाली भाषेचे गाढे अभ्यासक, जन्म: २२ जून ?).
- २०००: संजीवनी मराठे (कवयित्री, जन्म: १४ फेब्रुवारी १९१६).
- २००३: प्रकाश घांग्रेकर (गायक व नट, जन्म: ?).
- २००६: राजा मंगळवेढेकर (बालसाहित्यकार, जन्म: ११ डिसेंबर १९२५).
- २०१२: एन. के. पी. साळवे (भारतीय राजकारणी, केंद्रीय मंत्री व बी. सी. सी. आय. चे अध्यक्ष, जन्म: २४ सप्टेंबर १९२४).
- २००४: गुरुचरणसिंग तोहरा (अकाली दलाचे नेते आणि शिरोमणी गुरुद्वारा प्रबंधक समितीचे अध्यक्ष, जन्म: १८ मार्च १९२१).
संपादक मंडळ
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहा । सर्व लेखन पहा
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहा । सर्व लेखन पहा
एप्रिल महिन्यातील दिनविशेष
| एप्रिल | ||||||
|---|---|---|---|---|---|---|
| १ | २ | ३ | ४ | ५ | ६ | ७ |
| ८ | ९ | १० | ११ | १२ | १३ | १४ |
| १५ | १६ | १७ | १८ | १९ | २० | २१ |
| २२ | २३ | २४ | २५ | २६ | २७ | २८ |
| २९ | ३० | |||||
| तारखेप्रमाणे एप्रिल महिन्यातील सर्व दिनविशेष पहा. | ||||||
नवी नोंद सुचवा । दुरूस्ती कळवा । संदर्भ सूची । अस्वीकरण
