जय देव श्रीशशिनाथा - चंद्राची आरती

जय देव श्रीशशिनाथा, चंद्राची आरती - [Jai Dev Shrishashinatha, Chandrachi Aarti] जय देव जय देव जय श्रीशशिनाथा, आरती ओवाळू पदि ठेउनि माथा.

जय देव जय देव जय श्रीशशिनाथा, आरती ओवाळू पदि ठेउनि माथा

जय देव जय देव जय श्रीशशिनाथा ।
आरती ओवाळू पदि ठेउनि माथा ॥ ध्रु० ॥

उदयी तुझ्या हृदयी शीतलता उपजे ।
हेलावुनि क्षीराब्धी आनंदे गर्जे ॥
विकसित कुमुदिनि देखुनि मन ते बहु रंजे ।
चकोर नृत्य करिती सुख अद्भुत माजे ॥ जय० ॥ १ ॥

विशेष महिमा तुझा न कळे कोणासी ।
त्रिभुवनि द्वादशराशी व्यापुनि आहेसी ॥
नवही ग्रहांमध्ये उत्तम तूम होसी ।
तुझे बल वांछिती सकळहि कार्यासी ॥ जय० ॥ २ ॥

शंकरगणनाथादिक भूषण मिरवीती ।
भाळी मौळी तुजला संतोषे धरिती ॥
संकटनामचतुर्थीस पूजन जे करिती ।
संतति संपद पावुनि भवसागर तरती ॥ जय० ॥ ३ ॥

केवळ अमृतरूप अनुपम्य वळसी ।
स्थावर जंगम यांचे जीवन आहेसी ॥
प्रकाश अवलोकिता मन हे उल्हासी ।
प्रसन्न हो‍उनि आता लावी निजकासी ॥ जय० ॥ ४ ॥

सिंधूतनया इंदू बंधु श्रीयेचा ।
सुकीर्तिदायक नायक उडुगण जो यांचा ॥
कुरंगवाहनचंद्रा अनुचित हे वाचा ।
गोसावीसुत विनवी वर दे मज साचा ॥ जय० ॥ ५ ॥

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.