मराठी भाषा गौरव दिन

मराठी भाषा गौरव दिन - २७ फेब्रुवारी | 27th February - Marathi Bhasha Diwas
मराठी भाषा गौरव दिन (वि.वा.शिरवाडकर यांचा जन्मदिवस - २७ फेब्रुवारी).
मराठी भाषा गौरव दिन
मराठी साहित्याचा मानदंड ‘वि.वा.शिरवाडकर’ यांचा जन्मदिवस - ‘२७ फेब्रुवारी’ अर्थात ‘मराठी भाषा गौरव दिन’.
मराठी भाषा दिवस (Marathi Bhasha Diwas) जागतिक मराठी भाषा दिवस / मराठी भाषा दिन / मराठी भाषा गौरव दिन. २७ फेब्रुवारी हा दिवस मराठी साहित्याचा मानदंड वि.वा.शिरवाडकर यांचा जन्मदिवस, हा दिवस ‘मराठी भाषा गौरव दिन’ म्हणून साजरा केला जातो.

मराठी राजभाषा दिन: मराठी भाषा दिन / मराठी राजभाषा दिन हा दिवस १ मे रोजी महाराष्ट्रभर साजरा केला जातो.
मराठी राजभाषा दिन आणि मराठी भाषा गौरव दिन हे दोन्ही दिवस वेगवेगळे असून मराठी भाषेसंदर्भातील महत्त्वाचे आहेत.

कुसुमाग्रज / विष्णू वामन शिरवाडकर

(२७ फेब्रुवारी १९१२ ते १० मार्च १९९९) पूर्ण नाव विष्णू वामन शिरवाडकर. हे एक श्रेष्ठ आधुनिक मराठी कवी नाटककार व कादंबरीकार होते. वि. वा. शिरवाडकर हे कुसुमाग्रज या नावाने काव्यलेखन करायचे. कुसुमाग्रजांचा जन्म २७ फेब्रुवारी १९१२ रोजी पुणे जिल्ह्यात झाला. मात्र नाशिक जिल्ह्यातील निफाड तालुक्यातील शिरवाडे हे गाव त्यांचे जन्मगाव म्हणूनच ओळखले जाते.

जीवनलहरी, किनारा, मराठी माती, वादळवेल इत्यादी त्याचे प्रकाशित काव्यसंग्रह आहेत. विशाखा हा काव्यसंग्रह आधुनिक मराठी काव्याचे एक कायमचे भूषण आहे. दुसरा पेशवा, वीज म्हणाली धरतीला, नटसम्राट, राजमुकुट इत्यादी त्यांची गाजलेली नाटके आहेत.

१९७४ मध्ये नटसम्राट ह्या नाटकाला साहित्य अकादमीचे पारितोषिक मिळाले. वैष्णव, जान्हवी, कल्पनेच्या तीरावर ह्या कादंबर्‍या. १९६४ मधील गोव्याच्या साहित्य समेलनाचे ते अध्यक्ष होते.


माझ्या मराठी मातीचा लावा ललाटास टिळा

माझ्या मराठी मातीचा लावा ललाटास टिळा हिच्या संगाने जागल्या दऱ्याखोऱ्यांतील शिळा हिच्या कुशीत जन्मले काळे कणखर हात ज्यांच्या दुर्दम धीराने केली मृत्यूवरी मात नाही पसरला कर कधी मागायास दान स्वर्णसिंहासनापुढे कधी लवली ना मान हिच्या गगनात घुमे आद्य स्वातंत्र्याची द्वाही हिच्या पुत्रांच्या बाहूत आहे समतेची ग्वाही माझ्या मराठी मातीचा लावा ललाटास टिळा हिच्या संगे जागतील मायदेशातील शिळा

- कुसुमाग्रज
माझ्या मराठी मातीचा (© २७ फेब्रुवारी २०१० शेमारू एंटरटेनमेंट लिमिटेड)
संगीत: कौशल इनामदार, स्वर: कल्याणी पांडे-साळुंके, कौशल इनामदार, मधुरा कुंभार, मिथिलेश पाटणकर

मराठी भाषा दिवस पोस्टर्स (भित्तीचित्रे)

मराठी भाषा दिवस पोस्टर मराठी भाषा दिवस पोस्टर
विशेष विभागातील सर्व पोस्ट्स

मराठी भाषा दिवस

संबंधित दुवे: विशेष