ओवाळू आरती मदनगोपाळा - कृष्णाची आरती

ओवाळू आरती मदनगोपाळा, कृष्णाची आरती - [Ovalu Aarti Madangopala Aarti] ओवाळू आरती मदनगोपाळा, श्यामसुंदर गळा वैजयंतीमाळा.

ओवाळू आरती मदनगोपाळा, श्यामसुंदर गळा वैजयंतीमाळा

ओवाळू आरती मदनगोपाळा ।
श्यामसुंदर गळा वैजयंतीमाळा ॥ ध्रु० ॥

चरणकमल ज्याचे अति सुकुम ।
ध्वजवज्रांकुश चरणी ब्रीदाचा तोडर ॥ ओवाळू० ॥ १ ॥

नाभिकमळी ज्याचे ब्रह्मयाचे स्थान ।
हृदयी पदक शोभे श्रीवत्सलांछन ॥ ओवाळू० ॥ २ ॥

मुखकमला पाहतां सूर्याच्या कोटी ।
वेधले मानस हारपली द्रुष्टी । ओवाळू० ॥ ३ ॥

जडित मुगुट ज्याचा दैदीप्यमान ।
तेणे तेजे कोंदले अवघे त्रिभुवन ॥ ओवाळू० ॥ ४ ॥

एका जनार्दनी देखियेले रूप ।
रूप पाहो जाता झाले अवघे तद्रूप ॥ ओवाळू आरती० ॥ ५ ॥

---

ओवाळू आरती मदनगोपाळा - कृष्णाची आरती संबंधी महत्त्वाचे दुवे:

• अवतार गोकुळी - कृष्णाची आरती
• श्यामलवर्णा षड्रिपुदमना - कृष्णाची आरती
• आरती कुंजबिहारीकी - कृष्णाची आरती
• आरती भुवनसुंदराची - कृष्णाची आरती

---