श्रावणमासी हर्ष मानसी - मराठी कविता

श्रावणमासी हर्ष मानसी, मराठी कविता - [Shravanmasi Harsh Manasi, Marathi Kavita] बालकवी यांची प्रसिद्ध कविता श्रावणमासी हर्ष मानसी हिरवळ दाटे चोहिकडे.
श्रावणमासी हर्ष मानसी - मराठी कविता | Shravanmasi Harsh Manasi - Marathi Kavita
श्रावणमासी हर्ष मानसी (मराठी कविता), छायाचित्र: हर्षद खंदारे.
‘श्रावणमासी हर्ष मानसी हिरवळ दाटे चोहिकडे’ त्र्यंबक बापूजी ठोंबरे / बालकवी यांची प्रसिद्ध कविता.

श्रावणमासी हर्ष मानसी हिरवळ दाटे चोहिकडे क्षणात येते सर सर शिरवे क्षणात फिरुनि ऊन पडे वरति बघता इंद धनुचा गोफ दुहेरि विणलासे मंगल तोरण काय बांधले नभोमंडपी कुणी भासे झालासा सुर्यास्त वाटतो, सांज अहाहा तो उघडे तरु शिखरावर उंच घरावर पिवळे पिवळे ऊन पडे उठती वरती जलदांवरती अनंत संध्याराग पहा सर्व नभावर होय रोखिले सुंदरतेचे रुप महा बलाकमाला उडता भासे कल्पसुमांची माळिच ते उतरुनि येती अवनीवरती ग्रहगोलचि की एकमते फडफड करुनि भिजले अपुले पखं पाखरे सावरती सुंदर हरिणी हिरव्या कुरणी निजबाळांसह बागडती खिल्लारे ही चरती रानी गोपही गाणी गात फिरे मंजूळ पावा गाई तयांचा श्रावण महिमा एकसुरे सुवर्ण चंपक फुलला विपिनी रम्य केवडा दरवळला पारिजातही बघता भामा रोष मनीचा मावळला सुंदर परडी घेऊनि हाती पुरोपकंठी शु्द्धमती सुंदर बाला या फुलमाला रम्य फुले पत्री खुडती देव दर्शना निघती ललना हर्ष मावे ना हदयात वदनी त्यांच्या वाचून घ्यावे श्रावण महिन्याचे गीत

- बालकवी (त्र्यंबक बापूजी ठोंबरे)

श्रावणमासी हर्ष मानसी (व्हिडिओ)

२ टिप्पण्या

  1. Nice
  2. Thanks for the beautiful poem.
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.