जय देवा हनुमंता - मारुतीची आरती

जय देवा हनुमंता, मारुतीची आरती - [Jai Deva Hanumanta Marutichi Aarti] जय देवा हनुमंता, जय अंजनीसुता, ॐ नमो देवदेवा, राया रामाच्या दूता.

जय देवा हनुमंता, जय अंजनीसुत

---

जय देवा हनुमंता - मारुतीची आरती

(Jai Deva Hanumanta Marutichi Aarti) जय देवा हनुमंता, जय अंजनीसुता, ॐ नमो देवदेवा, राया रामाच्या दूता.

---

जय देवा हनुमंता ।
जय अंजनीसुता ॥
ॐ नमो देवदेवा ।
राया रामाच्या दूता ॥
आरती ओवाळीन ।
ब्रह्मचारी पवित्रा ॥ ध्रु० ॥

वानरूपधारी ।
ज्याची अंजनी माता ।
हिंडता वनांतरी ।
भेटी झाली रघुनाथा ॥
धन्य तो रामभक्त ।
ज्याने मांडिली कथा ॥ जय० ॥ १ ॥

सीतेच्या शोधासाठीं ।
रामे दिधली आज्ञा ॥
उल्लंधुनी समुद्रतीर ।
गेला लंकेच्या भुवना ॥
शोधूनी अशोकवना ।
मुद्रा टाकिली खुणा ॥ जय० ॥ २ ॥

सीतेसी दंडवत ।
दोन्ही कर जोडून ॥
वन हे विध्वंसिले ।
मारिला अखया दारुण ।
परतोनी लंकेवरी ।
तवं केले दहन ॥ जय० ॥ ३ ॥

निजबळे इंद्रजित ।
होम करी आपण ॥
तोही त्वां विध्वसिला ।
लघुशंका करून ॥
देखोनी पळताती ।
महाभूते दारुण ॥ जय० ॥ ४ ॥

राम हो लक्षुमण ।
जरी पाताळी नेले ॥
तयांच्या शुद्धीसाठी ।
जळी प्रवेश केले ॥
अहिरावण महिरावण ।
क्षणामाजि मर्दिले ॥ जय० ॥ ५ ॥

देउनी भुभुःकार ।
नरलोक आटीले ॥
दीनानाथ माहेरा ।
त्वां स्वामिसी सोडविले ॥
घेऊनी स्वामी खांदी ।
अयोध्येसी आणिले ॥ जय० ॥ ६ ॥

हनुमंत नाम तुझे ।
किती वर्णू दातारा ॥
अससी सर्वांठायी ।
हारोहारी अम्बरा ॥
एका जनार्दनी ।
मुक्त झाले संसारा ॥ जय० ॥ ७ ॥

- मारुतीच्या आरत्या