२४ एप्रिल दिनविशेष - इतिहासातील जागतिक दिवस, ठळक घटना, वाढदिवस, स्मृती दिवसांची संदर्भासहित माहिती देणारे दिनांक २४ एप्रिल चे दिनविशेष.
सचिन तेंडुलकर - (२४ एप्रिल १९७३) हे क्रिकेटविश्वात सर्वोत्तम मानले जाणारे माजी भारतीय क्रिकेटपटू आहेत. आंतरराष्ट्रीय सामन्यांमध्ये शतकांचे शतक करणारे ते एकमेव क्रिकेटपटू आहेत.
जागतिक दिवस
२४ एप्रिल रोजी पाळले जाणारे जागतिक दिवस- प्रजासत्ताक दिन: गाम्बिया.
- वंशहत्त्या स्मृती दिन: आर्मेनिया.
- काप्यॉंग दिन.
- जागतिक प्रयोगशाळा-प्राणी दिन.
- भारतीय जलसंपत्ती दिन.
- लोकशाही दिन: नेपाळ
- जागतिक शिल्पकला दिन.
- भारतीय पंचायती राज दिन.
ठळक घटना (घडामोडी)
२४ एप्रिल रोजी घडलेल्या ठळक ऐतिहासिक घटना आणि घडामोडी- इ.स.पू. ११८४: शहराबाहेर आणुन ठेवलेल्या प्रचंड लाकडी घोडा (ट्रोजन हॉर्स) ट्रॉयच्या सैन्याने कुतुहलापायी आत घेतला. घोड्यात लपलेले ग्रीक सैनिक रात्री बाहेर पडले व दहा वर्षे चाललेल्या ट्रॉयचा वेढा संपवला.
- १६७४: भोर-वाई प्रांतातील केंजळगड शिवाजी महाराजांनी स्वारी करून जिंकला.
- १७१७: खंडेराव दाभाडे यांनी अहमदनगर येथे मोगलांचा पराभव केला.
- १८००: लायब्ररी ऑफ कॉंग्रेसची अमेरिकेत स्थापना.
- १८६३: कीझव्हिलची कत्तल - कॅलिफोर्नियातील कीझव्हिल येथे ५३ स्थानिक अमेरिकन व्यक्तिंची हत्त्या.
- १९१४: पुंज सिद्धांतामधला महत्त्वाचा फ्रॅंक हर्ट्झ प्रयोग जर्मन भौतिक संघटनेसमोर दाखवला गेला.
- १९१५: आर्मेनियन वंशहत्या - कॉन्स्टेन्टिनोपलमध्ये सुरू झालेली आर्मेनियन वंशीय व्यक्तिंचे हत्याकांड नंतर ओट्टोमन साम्राज्यभर पसरले.
- १९२२: ब्रिटिश साम्राज्य बिनतारी (रेडिओ) टेलिग्राफने जोडण्याची योजना कार्यान्वित; इंग्लंडमधून कैरोशी संदेशवहन सुरू.
- १९५५: बांडुंगची सभा समाप्त. २९ देशांच्या या सभेत पंचशील तत्त्वांचा पुरस्कार केला गेला.
- १९६७: रशियाचे अंतराळयान सोयुझ १ कोसळले. अंतराळवीर व्लादिमिर कोमारोव्ह मृत्युमुखी.
- १९६८: मॉरिशियसला संयुक्त राष्ट्रांचे सभासदत्त्व.
- १९७०: चीनचा पहिला मानवनिर्मित उपग्रह डॉंग फॅंग हॉंग १ चे प्रक्षेपण.
- १९७०: गाम्बिया प्रजासत्ताक झाले.
- १९७५: स्टॉकहोममध्ये बाडर-माइनहॉफ टोळीने पश्चिम जर्मनीची वकीलात उडवली.
- १९८०: ईराणमध्ये ओलिस असलेल्या अमेरिकेच्या नागरिकांना सोडवण्याच्या निष्फळ प्रयासात ८ अमेरिकन सैनिक ठार.
- १९८१: आय.बी.एम.ने सर्वप्रथम वैयक्तिक संगणक प्रदर्शित केला.
- १९९०: हबल दुर्बीणीचे प्रक्षेपण.
- १९९३: आय.आर.ए.ने लंडनच्या बिशप्सगेट भागात बॉम्बस्फोट घडवला.
- १९९३: इंडियन एअरलाइन्सच्या फ्लाइट ४२७ या दिल्लीहून श्रीनगरला जाणाऱ्या विमानाचे अतिरेक्यांनी अपहरण केले. सर्व १४१ प्रवाशांची सुखरूप मुक्तता झाली.
- २००४: अमेरिकेने लिब्यावर १८ वर्षांपूर्वी घातलेले आर्थिक निर्बंध दूर केले.
- २००५: कार्डिनल जोसेफ रॅट्झिंगर पोप बेनेडिक्ट सोळावा या नावाने पोप पदी.
- २००५: जगातला पहिला क्लोन केलेला कुत्रा जन्माला आला.
- २००६: नेपाळचा राजा ग्यानेंद्रने ४ वर्षांपूर्वी बरखास्त केलेली संसदीला पुनः मान्यता दिली.
- २००७: नॉर्वेने युद्ध सुरू नसताना आइसलॅंडचे रक्षण करण्याचे कबूल केले.
- २०१३: बांगलादेशची राजधानी ढाकाच्या उपनगरातील इमारत कोसळून १,१२७ व्यक्ती ठार. २,५०० पेक्षा अधिक जखमी.
- २०१७: छत्तीसगडमधील सुकमा जिल्ह्यात नक्षलवाद्यांशी झालेल्या चकमकीत सीआरपीएफचे २५ जवान शहीद झाले .
जन्म (वाढदिवस, जयंती)
२४ एप्रिल रोजी जन्मदिवस असलेली प्रसिद्ध व्यक्तिमत्वे- १८८९: सर स्टॅफोर्ड क्रिप्स (इंग्लिश राजकारणी, मृत्यू: २१ एप्रिल १९५२).
- १८९६: रघुनाथ वामन दिघे (रसाळ लेखन करणारे कादंबरीकार, मृत्यू: ४ जुलै १९८०).
- १८९७: मनुएल अव्हिला कामाचो (मेक्सिकोचा राष्ट्राध्यक्ष, मृत्यू: १३ ऑक्टोबर १९९५).
- १९१०: राजा परांजपे (चित्रपट दिग्दर्शक, निर्माते आणि अभिनेते, मृत्यू: ९ फेब्रुवारी १९७९).
- १९२६: थॉर्ब्यॉम फाल्डिन (स्वीडनचा पंतप्रधान, मृत्यू: २३ जुलै २०१६).
- १९२९: राजकुमार (कन्नड चित्रपट अभिनेता व गायक, मृत्यू: १२ एप्रिल २००६).
- १९३८: मॅक मोहन (भारतीय सिने अभिनेते, मृत्यू: १० मे २०१०).
- १९७०: डॅमियन फ्लेमिंग (ऑस्ट्रेलियन क्रिकेटपटू, हयात).
- १९७३: सचिन तेंडुलकर (भारतीय क्रिकेट खेळाडू, हयात).
- १९८७: वरुण धवन (भारतीय सिने अभिनेते, हयात).
मृत्यू (पुण्यतिथी, स्मृती दिवस, बलिदान दिवस, शहीद दिवस)
२४ एप्रिल रोजी मृत्यू पावलेली प्रसिद्ध व्यक्तिमत्वे- १८५२: व्हासिली झुकोव्स्की (रशियन कवी, जन्म: ९ फेब्रुवारी १७८३).
- १९४२: मास्टर दीनानाथ मंगेशकर (नाट्यसंगीत, गायक आणि अभिनेते, जन्म: २९ डिसेंबर १९००).
- १९६०: लक्ष्मण बळवंत तथा अण्णासाहेब भोपटकर (नामवंत वकील, जन्म: १० मे १८८०).
- १९७२: जामिनी रॉय (चित्रकार, जन्म: ११ एप्रिल १८८७).
- १९७४: रामधारीसिंह दिनकर (देशभक्त तसेच हिंदी साहित्यिक, जन्म: २३ सप्टेंबर १९०८).
- १९९४: शंतनुराव किर्लोस्कर (उद्योगपती, किर्लोस्कर उद्योग समूहाचे आधारस्तंभ, जन्म: २८ मे १९०३).
- २००५: एझेर वाइझमन (इस्रायेलचा राष्ट्राध्यक्ष, जन्म: १५ जून १९२४).
- २०११: सत्य साईबाबा (आध्यात्मिक गुरू, जन्म: २३ नोव्हेंबर १९२६).
- २०१३: शमशाद बेगम (हिंदी पार्श्वगायिका, जन्म: १४ एप्रिल १९१९).
- २०१४: शोभा नेगी रेड्डी (भारतीय राजकारणी, जन्म: १६ डिसेंबर १९६८).
संपादक मंडळ
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहा । सर्व लेखन पहा
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहा । सर्व लेखन पहा
एप्रिल महिन्यातील दिनविशेष
| एप्रिल | ||||||
|---|---|---|---|---|---|---|
| १ | २ | ३ | ४ | ५ | ६ | ७ |
| ८ | ९ | १० | ११ | १२ | १३ | १४ |
| १५ | १६ | १७ | १८ | १९ | २० | २१ |
| २२ | २३ | २४ | २५ | २६ | २७ | २८ |
| २९ | ३० | |||||
| तारखेप्रमाणे एप्रिल महिन्यातील सर्व दिनविशेष पहा. | ||||||
नवी नोंद सुचवा । दुरूस्ती कळवा । संदर्भ सूची । अस्वीकरण
अभिप्राय