६ जानेवारी दिनविशेष

दिनांक ६ जानेवारी च्या जगभरातील ठळक घटना, घडमोडी, जन्म, मृत्यू, पुण्यतिथी, स्मृतीदिन आणि जागतिक दिवस

विजय तेंडुलकर - (६ जानेवारी १९२८ - १९ मे २००८) प्रसिद्ध मराठी नाटककार, लेखक, पटकथालेखक, तथा राजकीय विश्लेषक होते. सखाराम बाईँडर हे प्रसिद्ध नाटक तेंडुलकर यांनी लिहिले.

शेवटचा बदल १९ मे २०२१

जागतिक दिवस

पत्रकार दिन (महाराष्ट्र).
वर्धापनदिन: मराठीतील पहिले वृत्तपत्र दर्पण (१८३२)

ठळक घटना / घडामोडी

१६६४: मराठी सैन्य सुरतेत शिरले.
१६६५: शिवाजी महाराजांनी महाबळेश्वर येथे जिजाबाई व सोनोपंत विश्वनाथ डबीर यांची सुवर्णतुला केली.
१६७३: कोंडाजी फर्जंद यांनी ६० मावळ्यांनिशी पन्हाळा जिंकला.
१८३२: मुंबई येथे 'दर्पण' चा पहिला अंक प्रदर्शित. संपादक बाळशास्त्री जांभेकर.
१८३८: सॅम्युएल मॉर्सने तारयंत्राचा शोध लावला.
१९२४: वि. दा. सावरकर यांची अंदमानच्या तुरुंगातून (जन्मठेपेतून) सुटका.
१९२९: मदर तेरेसा यांचे कोलकाता येथे आगमन.
१९०७: मारिया माँटेसरी यांनी पहिली माँटेसरी शाळा सुरूकेली. त्यांच्या शाळांमुळे पूर्वप्राथमिक शिक्षणात आमूलाग्र बदल झाला.
१९२४: राजकारणात भाग न घेणे व रत्‍नागिरी जिल्ह्यातच राहणे या अटींवर स्वातंत्र्यवीर सावरकर यांची जन्मठेपेतुन सशर्त मुक्तता.
१९२९: गोरगरिब व रुग्णांची सेवा करण्यासाठी मदर तेरेसा यांचे कोलकाता येथे आगमन.
१९४४: दुसरे महायुद्ध- रशियन सैन्य पोलंडमध्ये शिरले.
१९९३ : सोपोर हत्याकांड- अतिरेक्यांनी छावणीवर केलेल्या हल्ल्याला प्रतिसाद म्हणून भारतीय सीमा सुरक्षा दळाच्या जवानांनी ५५ काश्मिरी नागरिकांची हत्या केली.

जन्म / वाढदिवस

१७४५: ऐलियन माँटगोल्फिएर, बलूनच्या साहाय्याने आकाशात जाण्याचे प्रयोग करणारा.
१८१२: बाळशास्त्री जांभेकर, दर्पण या पहिल्या मराठी वृत्तपत्राचे आणि दिग्दर्शन या मासिकाचे प्रकाशक.
१९२५: रमेश मंत्री, मराठी साहित्यिक .
१९२८: विजय तेंडुलकर (मराठी साहित्यिक, मृत्यू: १९ मे २००८).
१९३१: डॉ. आर.डी. देशपांडे, पर्यावरणशास्त्रज्ञ, महाराष्ट्र असोसिएशन फॉर द कल्टिव्हेशन ऑफ सायन्सचे (आघारकर संशोधन संस्था) अध्यक्ष.
१९३२: लेखक कमलेश्वर.
१९५९: कपिलदेव निखंज, भारतीय क्रिकेट खेळाडू. भारतीय क्रिकेट संघनायक, समालोचक व प्रशिक्षक.
१९६६: ए.आर. रहमान, भारतीय संगीतकार.

मृत्यू / पुण्यतिथी / स्मृतीदिन

१७९६: जिवबा दादा बक्षी, महादजी शिंदे यांचे सेनापती, मुत्सद्दी.
१८४७: त्यागराज, कर्नाटक संगीताचे रचनाकार, संगीतशास्त्रज्ञ व गायक.
१८५२: लुई ब्रेल, अंधांना उपयोगी पडणाऱ्या ब्रेल लिपीचे जनक व शिक्षक.
१८८५: भारतेंदू हरिश्चंद्र, आधुनिक हिन्दी साहित्याचे जनक मानले जाणारे हिन्दी साहित्यिक, १८५० ते १९०० हा काळ हिन्दी साहित्यात ’भारतेंदू काळ’ म्हणून ओळखला जातो.
१९१९: थियोडोर रूझवेल्ट, अमेरिकेचे २६वे राष्ट्राध्यक्ष.
१९७१: प्रफुल्लचंद्र तथा पी.सी. सरकार, भारतीय जादूगार.
१९८४: विद्यानिधी महामहोपाध्याय सिद्धेश्वरशास्त्री चित्राव, वेदशास्त्र अभ्यासक, चरित्रकोशकार, वैदिक साहित्याचे अभ्यासक व मराठी कोशकार.
१९८७: संगीतकार जयदेव.
२०१०: प्रल्हाद ईरबाजी सोनकांबळे, लेखक व इंग्रजीचे प्राध्यापक.
२०१७: ओम पुरी, भारदस्त आवाज, पल्लेदार संवादफेक आणि कसदार अभिनयाने रुपेरी पडद्यावर दीर्घकाळ आपली छाप उमटविणारे अभिनेते यांचे मुंबईतील राहत्या घरी निधन झाले. ते 66 वर्षांचे होते.

मराठी दिनदर्शिका / दिनविशेष / जानेवारी
तारखेप्रमाणे #जानेवारी महिन्यातील सर्व #दिनविशेष पहा
१	२	३	४	५	६
७	८	९	१०	११	१२
१३	१४	१५	१६	१७	१८
१९	२०	२१	२२	२३	२४
२५	२६	२७	२८	२९	३०
३१