पुरुषांसाठी मराठी उखाणे

पुरुषांसाठी मराठी उखाणे - [Marathi Ukhane for Male] पतीने पत्नीचे नाव घेण्यासाठी संग्रहित केलेले पारंपारिक मराठी उखाणे.

पुरुषांसाठी पारंपारिक मराठी उखाण्यांचा संग्रह...

पुरुषांसाठी मराठी उखाणे

मराठीमाती संपादक मंडळ

शेवटचा बदल २० जानेवारी २०२५

काय जादु केली जिंकलं मला एका क्षणात, प्रथम दर्शनीच भरली __________ माझ्या मनात.

रूप्याचा लोटा सोन्याची झारी, असली काळीसावळी तरी __________ माझी प्यारी.

हत्तीच्या अंबारीला मखमली झुल, माझी __________ नाजुक जसे गुलाबाचे फुल.

सर्व फुलांचा राजा गुलाबाचे फुल, संसार करू सुखाचा __________ तु, मी आणि एक मुल.

जाईच्या वेणीला चांदीची तार, माझी ___________ म्हणजे लाखात एक नार.

अस्सल सोने चोविस कॅरट, __________ अन्‌ माझे झाले आज मॅरेज.

लग्नाचा वाढदिवस करू साजरा, __________ तुला आणला मोगर्‍याचा गजरा.

कोरा कागज काळी आई, __________ ला रोज देवळात जाण्याची घाई.

संसार रुपी सागरात पती पत्नीची नौका, __________ चे नाव घेतो सर्व जण ऐका.

दारी होते कोनाडे त्यात होती पळी, माझी __________ व्यवहाराच्या बाबतीत अगदीच खुळी.

आंबा गोड, ऊस गोड, त्याहीपेक्षा अमृत गोड, __________ चं नाव आहे अमृतापेक्षाही गोड.

जाई जुईच्या फुलांचा दरवळला सुगंध, __________ च्या सहवासात झालो मी धुंद.

उभा होतो मळ्यात, नजर गेली खळ्यात, नवरत्नांचा हार __________ च्या गळात.

प्रसन्न वदनाने आले रविराज, __________ ने चढविला संसाराला स्नेहाचा साज.

नाशिकची द्राक्षे नागपूरची संत्री, __________ आजपासून माझी गृहमंत्री.

सीतेसारखे चारित्र्य, रंभेसारखे रूप, __________ मिळाली आहे मला अनुरूप.

सायंकाळच्या आकाशाचा पिवळसर रंग, __________ माझी नेहमी घरकामात दंग.

मायामय नगरी, प्रेममय संसार, __________ च्या जीवावर माझ्या जीवनाचा भार.

जिजाऊ सारखी माता शिवाजी सारखा पुत्र, __________ च्या गळ्यात बांधतो मंगळसुत्र.

रुक्मिणीने केला पण कृष्णाला वरीन, __________ च्या साथीने आदर्श संसार करीन.

जगाला सुवास देत उमलली कळी, भाग्याने लाभली मला __________ प्रेमपुतळी.

जीवनात लाभला मनासारखा साथी, माझ्या संसार __________ सारथी.

हिमालय पर्वतावर शंकर - पार्वतीची जोडी, __________ च्या जीवनात मला आहे गोडी.

चंद्राला पाहून भरती येते सागराला, __________ ची जोड मिळाली माझ्या जीवनाला.

निळे पाणी, निळे डोंगर, हिरवे हिरवे रान, __________ चे नाव घेऊन राखतो सर्वांचा मान.

चंद्राचा होता उदय समुद्राला येते भरती, __________ दर्शनाने/स्पर्शाने सारे श्रम हरती.

जन्म दिला मातेने पालन केले पित्याने, __________ च्या गळ्यात मंगळसुत्र बांधतो प्रेमाने.

पंच पक्वानाच्या ताटात वाढले लाडू पेढे, __________ चे नाव घेताना कशाला हवे आढे वेढे.

उगवला सुर्य मावळला रजनी, __________ चे नाव सदैव माझ्या मनी.

मोहमाया स्नेहाची जाळी पसरली घनदाट, __________ बरोबर बांधली जीवनगाठ.

आई वडील, आऊ बहिणी, जणू गोकुळासारखे घर, __________ च्या आगमनाने पडली त्या सुखात भर.

चांदीच्या ताटात, रूपया वाजतो खणखण, __________ चे नाव घेऊन सोडतो आता कंकण.

पुढे जाते वासरू, माहुन चालली गाय, __________ ला आवडते नेहमी दुधावरची साय.

संसाराच्या सागरात पती पत्नी नावाडी, __________ मुळे लागली मला संसाराची गोडी.

देवा जवळ करतो मी दत्ताची आरती, __________ माझ्या जीवनाची सारथी.

काश्मीरच्या नंदनवनात फुलतो निशीगंध, __________ सोबत जीवनात मला आहे आनंद.

नवग्रह मंडळात शनीचं आहे वर्चस्व, __________ आहे माझे जीवन सर्वस्व.

भारत देश स्वतंत्र झाला, इंग्रज गेले पळून, __________ चे नाव घेतो जरा पहा मागे वळून.

बहरली फुलांनी निशीगंधाची पाती, __________ चे नाव घेतो लग्नाच्या राती.

आपल्या देशात करावा हिंदी भाषेचा मान, __________ चे नाव घेतो ऐका सर्व देऊन कान.

देवळाला खरी शोभा कळसाने येते, __________ मुळे माझे गृहसौख्य दुणावते.

देशभक्तांच्या त्यागामुळे स्वराज्य हाती आले, __________ शी लग्न करून मनोरथ पुर्ण झाले.

श्रावण महिन्यात प्रत्येक वारी सण, __________ ला सुखात ठेवीन हा माझा पण.

पर्जन्याच्या वृष्टीने सृष्टी होते हिरवी गार, __________ च्या गळ्यात घातला मंगळसुत्राचा हार.

नंदनवनीच्या कोकिळा बोलती गोड, __________ राणी माझा तळहाताचा फोड.

नंदनवनात अमृताचे कलश, __________ आहे माझी खुप सालस.

देवाला भक्त करतो मनोभावे वंदन, __________ मुळे झाले संसाराचे नंदन.

भाजीत भाजी मेथीची, __________ माझी प्रितीची.

दही, चक्का, तुप, __________ आवडते मला खुप.

रुप्याचे ताट त्यावर सोन्याचे ठसे, __________ ला पाहून चंद्र सुर्य हसे.

पाण्याने भरला कलश, त्यावर आंब्याची पाने फुले, __________ चं नाव घेतल्यावर चेहरा माझा खुले.

हृदयात दिले स्थान, तेव्हा दिला हातात हात, __________ च्या जीवनात लाविली मी प्रीतीची फुलवात.

शंकरासारखा पिता अन्‌ पार्वतीसारखी माता, __________ राणी मिळाली स्वर्ग आला हाता.

नभंगणी दिसे शरदाचे चांदणे, __________ चे रूप आहे अत्यंत देखणे.

गंगेची वाळू चाळणीने चाळू, चलचल __________ आपण सारीपाट खेळू.

इंग्लिश भाषेला महत्त्व आले फार, __________ ने माझ्या संसाराला लावला हातभार.

सर्व ऋतुत ऋतु आहे वसंत, __________ केली मी पत्नी म्हणून पसंत.

इंद्राची इंद्राणी, दुष्यंताची शकुंतला, __________ नाव ठेवले माझ्या प्रिय पत्नीला.

रुप्याचे ताट त्यावर सोन्याचे ठसे, __________ ला पाहून चंद्र सुर्य हसे.

रखरखत्या वैशाखात प्रेमाचा धुंद वारा, जीवनाचा खेल समजला, __________ मुळे सारा.

मुखी असावे प्रेम, हातामध्ये दया, __________ सोबत जडली माझी माया.

लाखात दिसते देखणी, चेहरा सदा हसरा, __________ च्या रूपापुढे, अप्सरेचा काय तोरा.

आंबे वनात कोकिळा गाते गोड, __________ आहे माझी तळहाताचा फोड.

गुलाबाचे फुल गणपतीला वाहिले, __________ च्या साठी __________ गाव पाहिले.

हिर्‍याचा कंठा मोत्याचा घाट, __________ च्या हौसेसाठी केला सगळा थाट.

रसाळ पाहिजे वाणी, स्त्री पाहिजे निर्मला, __________ च्या नावाचा लागला मला जिव्हाळा.

श्रीमंत माणसांना असते पैशाची धुंदी, __________ चे नाव घेण्याची ही पहिलीच संधी.

खडी साखरेचा खडा खावा तेव्हा गोड, __________ च्या रूपात नाही कुठेच खोड.

कळी हसेल, फुल उमलेल, मोहरून येईल सुगंध __________ च्या सोबतीत, गवसेल जीवनाचा आनंद.

पुणं तिथं काय उणं म्हणतात सारी जणं, __________ नं केलं सार्थ माझं जिणं.

कपाळाचे कुंकू जशी चंद्राची कोर, __________ च्या मदतीवर माझा सगळा जोर.

चौकोनी आरशाला वाटोळी फ्रेम, माझ्या लाडक्या __________ वर माझे खरे प्रेम.

चंद्र आहे चांदणीचा सांगाती, __________ आहे माझी जीवन साथी.

विज्ञान युगात माणूस करतोय निसर्गावर मात, __________ च्या अर्धांगिनी म्हणून घेतला मी माझ्या हातात हात.

अंगणात होती तुळस, तुळशीला घालत होती __________ पाणी, आधी होती आई बापाची तान्ही आता आहे __________ ची राणी.

तार्‍यांचं लुकलुकणं चंद्राला आवडलं, __________ ला मी जीवन साथी म्हणून निवडलं.

निसर्गाला नाही आदी नाही अंत, __________ आहे माझ्या मनपसंत.

चित्रकाराने केली फलकावर रंगाची उधळण, __________ चे नाव भासे जणू माणिक मोत्यांची उधळण.

__________ माझे पिता, __________ माझी माता, शुभमुहुर्तावर घरी आणली __________ ही कांता.

सनई आणि चौघडा वाजतो सप्तसुरात, __________ चे नाव घेतो __________ च्या घरात.

मराठी उखाणे यासंबंधी महत्वाचे दुवे:

---

संपादक मंडळ

२००२ । मराठीमाती डॉट कॉम । पुणे

संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.

अधिक माहिती पहा । सर्व लेखन पहा