४ मार्च दिनविशेष

0 0 संपादक ४ मार्च, २०१८ संपादन

४ मार्च दिनविशेष - [4 March in History] दिनांक ४ मार्च च्या ठळक घटना/घडामोडी, जन्म/वाढदिवस, मृत्यू/पुण्यतिथी/स्मृतीदिन आणि जागतिक दिवस यांची माहिती.

दिनांक ४ मार्च च्या जगभरातील ठळक घटना, घडमोडी, जन्म, मृत्यू, पुण्यतिथी, स्मृतीदिन आणि जागतिक दिवस

विक्रांत जहाज - आय.एन.एस विक्रांत (४ मार्च १९६१ - ३१ जानेवारी १९९७) हे भारतीय नौदलाचे मॅजेस्टिक-वर्गातील, हलके विमानवाहू जहाज होते. हे जहाज सप्टेंबर २२, १९४५ रोजी त्याचे उद्घाटन करण्यात आले. जानेवारी १९५७ च्या सुमारास ते ब्रिटिश नौदलाकडून भारताने विकत घेतले. मार्च ४ इ.स. १९६१ रोजी ते उत्तर आयर्लंडात बेलफास्ट येथे असताना युनायटेड किंग्डमातील भारतीय उच्चायुक्त विजयालक्ष्मी पंडित यांनी आय.एन.एस. विक्रांत या नावाने भारतीय नौदलाच्या ताफ्यात दाखल करून घेतले. या जहाजाने इ.स. १९६५ व १९७१ सालांच्या दोन्ही भारत-पाकिस्तान युद्धांत भारतीय नौदलासाठी महत्त्वाची कामगिरी बजावली. जानेवारी ३१, १९९७ रोजी ते भारतीय नौदलातून सेवानिवृत्त करण्यात आले. सध्या ते वस्तुसंग्रहालयात बदलवण्यात आले आहे.

शेवटचा बदल १० मे २०२१

जागतिक दिवस

राष्ट्रीय सुरक्षा दिवस: भारत

ठळक घटना / घडामोडी

१४६१: वॉर ऑफ द रोझेस, एडवर्ड चौथ्याने इंग्लंडचा राजा हेन्री सहाव्याला पदच्युत केले.
१७८९: न्यूयॉर्क शहरात अमेरिकन काँग्रेसने अमेरिकेचे संविधान अमलात आल्याचे जाहीर केले.
१८३७: शिकागो शहराची स्थापना.
१८६१: अब्राहम लिंकन अमेरिकेच्या राष्ट्राध्यक्षपदी.
१८९४: चीनच्या शांघाय शहरात लागलेल्या प्रचंड आगीत १,००० इमारती भस्मसात.
१९०२: शिकागो शहरात अमेरिकन ऑटोमोबाइल असोसिएशन तथा ट्रिपल-ए ची स्थापना.
१९२१: असहयोग आंदोलनात ननकाना येथील एका गुरुद्वारामध्ये जिथे शांतीपूर्ण सभेचे आयोजन केले जात होते परंतु सैनिकांच्या गोळीबारामुळे ७० लोकांचा मृत्यू झाला.
१९३०: दांडीयात्रेच्या सफलतेने प्रभावित भारतातील ब्रिटीश व्हाइसरॉय एडवर्ड फ्रेडरिक लिंडली वूड व महात्मा गांधींच्यात बैठक. भारतात देशी मिठाचा मुक्त वापर करू देण्याचा सरकारचा निर्णय तसेच दांडीयात्रेदरम्यान पकडललेल्या राजकैद्यांची मुक्तता करण्याचे आश्वासन.
१९५१: प्रथम आशियाई खेळांचे उद्घाटन. नवी दिल्ली येथे राष्ट्रपती डॉ. राजेंद्रप्रसाद यांच्या हस्ते पहिल्या आशियाई खेळांचे उद्घाटन झाले.
१९६१: भारतीय नौदलात १ ले विमानवाहू जहाज ‘विक्रांत’ दाखल झाले.
१९९६: चित्रकार रवी परांजपे यांना कॅग हॉल ऑफ फेम हा राष्ट्रीय स्तरावरील पुरस्कार जाहीर.
२००१: पंतप्रधान अटलबिहारी वाजपेयी यांच्या हस्ते गुरुदासपूर येथील रणजितसागर धरण देशाला अर्पण केले.

जन्म / वाढदिवस

१९२२: दीना पाठक, गुजराती व हिंदी अभिनेत्री.
१९३५: प्रभा राव, काँग्रेसच्या नेत्या.
१९७३: चंद्र शेखर येलेती, भारतीय दिग्दर्शक आणि पटकथालेखक.
१९८०: रोहन बोपन्ना, भारतीय टेनिस खेळाडू.

मृत्यू / पुण्यतिथी / स्मृतीदिन

१८९९: ठाकुर जगमोहन सिंह, मध्य प्रदेश स्थित विजयराघवगढचे राजकुमार आणि प्रसिद्ध साहित्यकार.
१९२५: ज्योतींद्रनाथ टागोर, रवींद्रनाथ टागोर यांचे मोठे भाऊ बंगाली साहित्यिक आणि चित्रकार.
१९२८: सत्येंद्र प्रसन्न सिन्हा, प्रसिद्ध भारतीय अधिवक्ता आणि राजनेता.
१९३९: लाला हरदयाल, भारताचे प्रसिद्ध क्रांतिकारी आणि 'गदर पार्टी'चे संस्थापक.
१९४८: बाळकृष्ण शिवराम मुंजे, भारतीय-मराठी राजकारणी, हिंदू महासभेचे संस्थापक.
१९८१: टोरिन थॅचर, भारतीय अभिनेता.
१९८५: डॉ. पु. ग. सहस्रबुद्धे, साहित्यिक.
१९९२: शांताबाई परुळेकर, सकाळ च्या प्रकाशिका आणि सकाळ पेपर्स प्रा. लि. च्या संचालिका.
१९९५: सय्यदना इफ्तेखार अहमद शरीफ उर्फ इफ्तेखार, हिंदी चित्रपट अभिनेता.
१९९९: विठ्ठल गोविंद गाडगीळ, भारतीय विमानोड्डाणाचा पाया घालणारे, एअर इंडियाचे पहिले कर्मचारी.
२०००: गीता मुखर्जी, स्वातंत्र्य सेनानी, कम्युनिस्ट पक्षाच्या नेत्या, लोकसभा सदस्य.
२००७: सुनील कुमार महतो, भारतीय संसद सदस्य.
२०११: अर्जुन सिंग, भारतीय राजकारणी. केन्द्रीय मानव संसाधन मंत्री, ३ वेळा मध्यप्रदेशचे मुख्यमंत्री आणि पंजाबचे राज्यपाल.
२०१६: पी. ए. संगमा, भारताचे राजनीतिज्ञांपैकी एक.

४ मार्च दिनविशेष संबंधी महत्त्वाचे दुवे:

संपादक मंडळ

२००२ । मराठीमाती डॉट कॉम । पुणे

संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.

अधिक माहिती पहा । सर्व लेखन पहा

मार्च महिन्यातील दिनविशेष
१	२	३	४	५	६	७
८	९	१०	११	१२	१३	१४
१५	१६	१७	१८	१९	२०	२१
२२	२३	२४	२५	२६	२७	२८
२९	३०	३१
तारखेप्रमाणे मार्च महिन्यातील सर्व दिनविशेष पहा.

नवी नोंद सुचवा · चूक कळवा · संदर्भांची यादी · अस्वीकरण

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.