मनाचे श्लोक २०५

0 0 संपादक २३ ऑग, २००८ संपादन

मनाचे श्लोक २०५ - समर्थ रामदास स्वामी यांनी रचलेले मनाचे श्लोक २०५. मनाची शते ऐकता दोष जाती, मतीमंद ते साधना योग्य होती [Manache Shlok 205].

समर्थ रामदास स्वामी यांनी रचलेल्या मनाचे श्लोक मधील श्लोक २०५, मनाची शते ऐकता दोष जाती, मतीमंद ते साधना योग्य होती

मनाचे श्लोक २०५

मनाची शते ऐकता दोष जाती ।
मतीमंद ते साधना योग्य होती ॥
चढे ज्ञान वैराग्य सामर्थ्य अंगी ।
म्हणे दास विश्वासत मुक्ति भोगी ॥ २०५ ॥
- समर्थ रामदास स्वामी

मनाचे श्लोक २०५ - संस्कृत रुपांतर (मनोबोधः)

मनोबोधमाकर्ण्य दोषाः प्रयान्ति
जडाः साधना-योग्यतां चोपयान्ति ।
ततो ज्ञानवैराग्यसामर्थ्यलाभो
विमुक्तिस्ततो दासवाक्यप्रतीत्या ॥ २०५ ॥
- समर्थ रामदास स्वामी

मनाचे श्लोक २०५ - अर्थ

अगदी पहिला श्लोक नमनाचा आहे व या शेवटच्या श्लोकात फलश्रुती सांगितली आहे. अथपासून इतिपर्यंत हे दोनशे पाच श्लोक श्रवण केल्याने श्रोता सर्व पापांपासून मुक्त होतो, अगदी मूढ मनुष्य असला तरी आपण आता काहीतरी साधन करावे असे त्यास वाटू लागते, तसे तो साधक करू लागतो व क्रमाक्रमाने ज्ञान, वैराग्य आणि सामर्थ्य भगवान शंकराप्रमाणे (मागील श्लोक ८६ पहा) त्याच्या अंगी बाणू लागतात. शेवटी जे कोणी मुमुक्षु जन,

सद्गुरुवचन हृदंई धरी ।
तोची मोक्षाचा अधिकारी ॥

हा सिद्धांत जाणून, गुरुपदिष्ट मार्गाने अभ्यास करतील ते,

याचि जन्में येणेंची काळें ॥

जन्ममृत्यूपासून सुटून सायुज्यता मुक्ती मिळवतील.

॥ इति श्री मनाचे श्लोक टीका संपूर्ण ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.