मनाचे श्लोक - श्लोक १९७

मनाचे श्लोक - श्लोक १९७ - [Manache Shlok - Shlok 197] नभासारिखे रुप या राघवाचे, मनी चिंतिता मूळ तुटे भवाचे.

समर्थ रामदास स्वामी यांनी रचलेल्या मनाचे श्लोक मधील श्लोक १९७, नभासारिखे रुप या राघवाचे, मनी चिंतिता मूळ तुटे भवाचे

मनाचे श्लोक - श्लोक १९७

नभासारिखे रुप या राघवाचे ।
मनी चिंतिता मूळ तुटे भवाचे ॥
तया पाहता देहबुद्धी उरेना ।
सदा सर्वदा आर्त पोटी पुरेना ॥ १९७ ॥
- समर्थ रामदास स्वामी

मनाचे श्लोक - श्लोक १९७ - संस्कृत रुपांतर (मनोबोधः)

नभोवद्धि तद् व्यापकं रामरूपं
हृदा चिन्तितं स्याद् भवभ्रंशहेतुः ।
विलीना भवेद्देहधीस्तस्य बोधाद्
यथेच्छं सुदृष्टेऽपि तृप्तिस्तु नास्ति ॥ १९७ ॥
- समर्थ रामदास स्वामी

मनाचे श्लोक - श्लोक १९७ - अर्थ

श्रीसमर्थ सांगत आहेत की, श्रीरामाचे स्वरूप आकाशासारखे म्हणजेच ब्रह्मांडव्यापी आहे.

त्या स्वरूपाचे चिंतन केल्यास जन्ममरणाचे मूळच खंडून जाते.

करी मूळ निर्मूळ घेता भवाचें ॥

त्या स्वरूपाचा बोध झाला म्हणजे अहंभाव नाहीसा होतो.

प्रगटला देव जयाचें अंतरीं । तयार नाहीं उरी मीपणाची ॥

अशा त्या स्वरूपाकडे पाहिले तरी तृप्ती होत नाही, असे ते रूप आहे.

ठकाराचें ठाण करीं च्यापबाण ।
माझें ब्रह्मज्ञान ऐसें आहे ॥

रामरूप देहो जाला निसंदेहो ।
माझे मनीं राहो निरंतर ॥

मुखीं रामनाम चित्ती मेघशाम ।
होतसे विश्राम आठवितां ॥

रामदास म्हणे रामरूपावरी ।
भावें मुक्ती चारी वोवाळीन ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.