मनाचे श्लोक - श्लोक १९५

मनाचे श्लोक - श्लोक १९५ - [Manache Shlok - Shlok 195] बसे हृदयी देव तो जाण ऐसा, नभाचेपरी व्यापकू जाण तैसा.

समर्थ रामदास स्वामी यांनी रचलेल्या मनाचे श्लोक मधील श्लोक १९५, बसे हृदयी देव तो जाण ऐसा, नभाचेपरी व्यापकू जाण तैसा

मनाचे श्लोक - श्लोक १९५

बसे हृदयी देव तो जाण ऐसा ।
नभाचेपरी व्यापकू जाण तैसा ॥
सदा संचला येत ना जात कांही ।
तयावीण कोठे रिता ठाव नाही ॥ १९५ ॥
- समर्थ रामदास स्वामी

मनाचे श्लोक - श्लोक १९५ - संस्कृत रुपांतर (मनोबोधः)

इति प्राह जानीहि देवो हि हृत्स्थो
नभोवत्सदा व्यापकोऽप्यप्रलिप्तः ।
न गच्छत्यथो नोपगच्छत्यजस्रं
ऋते तेन रिक्तं स्थलं नैव किंचित् ॥ १९५ ॥
- समर्थ रामदास स्वामी

मनाचे श्लोक - श्लोक १९५ - अर्थ

श्रीसमर्थ सांगत आहे की,

पक्षी अंतराळीं गेला ।
भोंवेतें आकाशची तयाला ।
तैसें ब्रह्म प्राणीयांला ।
व्यापून आहे ॥

परब्रह्म तें येकलें । येकदांची सकळांसी व्यापिलें । सकळांस स्पर्शोन राहिलें । सकळां ठांई ॥

येईना जाईना ब्रह्म ।
उपजेना मरेना कदा ।
उडेना बुडेना ब्रह्म ।
सदोदितची संचले ॥

जेथें तेथें देव नाही रिता ठाव ।
ऐसा माझा भाव अंतरींचा ।
अंतरींचा देव अंतरी जोडला ।
विकल्प मोडला येकसरा ।
येकसरा जाला लाभ आकस्मात ।
ब्रह्म सदोदित सर्वा ठांई ॥

मजवेगळा रिता कांही ।
अणुभरी ठाव उरला नाहीं ।
मी सर्वात्मा सर्व देही ।
सर्वगत पाहीं सर्वदा ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.