मनाचे श्लोक - श्लोक १७५

मनाचे श्लोक - श्लोक १७५ - [Manache Shlok - Shlok 175] विधी निर्मिती लीहितो सर्व भाळी, परी लीहिता कोण त्याचे कपाळी.

समर्थ रामदास स्वामी यांनी रचलेल्या मनाचे श्लोक मधील श्लोक १७५, विधी निर्मिती लीहितो सर्व भाळी, परी लीहिता कोण त्याचे कपाळी

मनाचे श्लोक - श्लोक १७५

विधी निर्मिती लीहितो सर्व भाळी ।
परी लीहिता कोण त्याचे कपाळी ॥
हरू जाळितो लोक संहारकाळी ।
परी शेवटी शंकरा कोण जाळी ॥ १७५ ॥
- समर्थ रामदास स्वामी

मनाचे श्लोक - श्लोक १७५ - संस्कृत रुपांतर (मनोबोधः)

लिखत्येव भाव्यं विधिः सर्वभाले
परं तल्ललाटेऽस्ति को लेखकर्ता ।
हरः सर्वसंहारकोऽस्त्यन्तकाले
परं शंकरो दह्यतेऽन्ते च केन ॥ १७५ ॥
- समर्थ रामदास स्वामी

मनाचे श्लोक - श्लोक १७५ - अर्थ

श्रीसमर्थ सांगत आहेत की, ब्रह्मदेव उत्पत्ती करतात, विष्णु पालन करतात व महेश संहार करतात. हे सर्व खरं आहे, पण ब्रह्मदेवाला कोणी निर्माण केलं, विष्णूंचं पालन कोण करतं आणि महादेवांचा संहार कोण करतं? कपोळ म्हणजे कपाळ.

ब्रह्म्यानें सकळ निर्मिले ।
ब्रह्मयास कोणी निर्माण केलें ।
विष्णूनें विश्व पाळिलें ।
विष्णूस पाळिता कवणु ॥

रुद्र विश्वसंहार कर्ता ।
परी कोण रुद्रास संहारिता ।
कोण काळाचा नियंता ।
कळला पाहिजे ॥

तात्पर्य, विधीला निर्माण करणारा, विष्णूंचे पालन करणारा आणि शंकरांचा संहार करणारा निराळा कोणी देव आहे.

सकळांसी निर्मिता देव ।
देवासी निर्मिता नसे ।
सर्वांसी मूळ तो देवो ।
देवासी मूळ नाडळे ॥

ब्रह्मा विष्णु आणि हर ।
त्यांसी निर्मिता तोची थोर ।
तो वोळखावा परमेश्वर ।
नाना यत्नें ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.