मनाचे श्लोक - श्लोक १५७

मनाचे श्लोक - श्लोक १५७ - [Manache Shlok - Shlok 157] बहू शास्त्र धुंडाळता वाड आहे, जया निश्चयो येक तोही न साहे.

समर्थ रामदास स्वामी यांनी रचलेल्या मनाचे श्लोक मधील श्लोक १५७, बहू शास्त्र धुंडाळता वाड आहे, जया निश्चयो येक तोही न साहे

मनाचे श्लोक - श्लोक १५७

बहू शास्त्र धुंडाळता वाड आहे ।
जया निश्चयो येक तोही न साहे ॥
मती भांडती शास्त्रबोधे विरोधें ।
गती खुंटती ज्ञानबोधे प्रबोधे ॥ १५७ ॥
- समर्थ रामदास स्वामी

मनाचे श्लोक - श्लोक १५७ - संस्कृत रुपांतर (मनोबोधः)

श्रमो नैकशास्त्रावलोकेऽस्त्यतीव
परंत्वेकता-निश्चयो नैव तने ।
विवादात्मकः शास्त्रजन्यो विरोधो
मतिर्लीयते प्रत्युताऽऽत्मप्रबोधे ॥ १५७ ॥
- समर्थ रामदास स्वामी

मनाचे श्लोक - श्लोक १५७ - अर्थ

श्रीसमर्थ सांगत आहेत की, ‘वाड’ म्हणजे पुष्कळ.

बहू निवडितां निवडेना ।
येक निश्चय घडेना ।
शास्त्रें भांडती पडेना ।
निश्चय ठांई ॥

शास्त्रांचा परस्परविरुद्ध अर्थ करून मताभिमानी लोकं भांडत बसतात.

बहुत शास्त्रीं बहुत भेद ।
मतांमतांस विरोध ।
ऐसा करितां वेवाद ।
बहुत गेले ॥

परंतु ज्ञानाचा यथार्थ बोध होऊन मतिप्रकाश झाला, म्हणजे मनाची गती कुंठीत होते. मग भांडणाला अवकाशच राहत नाही.

अनेक शास्त्रीं पहातां पडेना ।
आयुष्य थोडें पहाणें घडेना ।
विश्वास येके वचनी धरावा ।
संसार हा दुस्तर नीरसरावा ।

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.