मनाचे श्लोक - श्लोक १५६

मनाचे श्लोक - श्लोक १५६ - [Manache Shlok - Shlok 156] म्हणे जाणता तो जनी मूर्ख पाहे, अतर्कासि तर्की असा कोण आहे.

समर्थ रामदास स्वामी यांनी रचलेल्या मनाचे श्लोक मधील श्लोक १५६, म्हणे जाणता तो जनी मूर्ख पाहे, अतर्कासि तर्की असा कोण आहे

मनाचे श्लोक - श्लोक १५६

म्हणे जाणता तो जनी मूर्ख पाहे ।
अतर्कासि तर्की असा कोण आहे ॥
जनीं मीपणे पाहता पाहवेना ।
तया लक्षितां वेगळे राहवेना ॥ १५६ ॥
- समर्थ रामदास स्वामी

मनाचे श्लोक - श्लोक १५६ - संस्कृत रुपांतर (मनोबोधः)

अहं ब्रह्म वेद्यीति यो वक्ति सोऽज्ञः
क्षमस्तर्कितुं को जगत्याम् अतर्क्यम् ।
अहंताबलाज् ज्ञायते तन्न मूढैः
तदालोकिते कोऽस्ति तस्माद् विभिन्नः ॥ १५६ ॥
- समर्थ रामदास स्वामी

मनाचे श्लोक - श्लोक १५६ - अर्थ

श्रीसमर्थ सांगत आहेत की, मला परब्रह्म पूर्णपणे कळालेलं आ्हे, असं जो म्हणेल तो मूर्ख समजावा. वास्तविक पाहता, त्याला काहीच समजलेले नसते.

अद्वैतचर्चा गुरुगम्य आहे ।
कळे म्हणे तो सहसा न लाहे ।
चोरुनि जागे हृदई अहंता ।
कळे म्हणे त्या न कळे चि भ्रांता ॥

मुळातच ब्रह्मस्वरूप असलेले ‘आपण’, जेव्हा आपण म्हणतो की मला ब्रह्म समजलेलं आहे, तेव्हा आपण स्वतःला त्या तत्त्वापासून वेगळं करतो आणि त्यामुळे कुठेतरी अहंकार वाढतो.

वस्तू येक आपण येक ।
ऐसी असती वेगळीक ।
तरी अनुभवाचा विवेक ।
बोलों येता सुखें ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.