मनाचे श्लोक - श्लोक १३३

मनाचे श्लोक - श्लोक १३३ - [Manache Shlok - Shlok 133] हरीभक्त वीरक्त विज्ञानराशी, जेणे मानसी स्थापिलें निश्चयासी.

समर्थ रामदास स्वामी यांनी रचलेल्या मनाचे श्लोक मधील श्लोक १३३, हरीभक्त वीरक्त विज्ञानराशी, जेणे मानसी स्थापिलें निश्चयासी

मनाचे श्लोक - श्लोक १३३

हरीभक्त वीरक्त विज्ञानराशी ।
जेणे मानसी स्थापिलें निश्चयासी ॥
तया दर्शने स्पर्शने पुण्य जोडे ।
तया भाषणें नष्ट संदेह मोडे ॥ १३३ ॥
- समर्थ रामदास स्वामी

मनाचे श्लोक - श्लोक १३३ - संस्कृत रुपांतर (मनोबोधः)

विरक्तिश्च भक्तिश्च विज्ञानयोगः
सदाऽऽत्मानुबोधो दृढो यद्-हृदिर्हि ।
सदा दर्शनं स्पर्शनं तस्य पुण्यं
तथा भाषणं नाशकं संशयस्य ॥ १३३ ॥
- समर्थ रामदास स्वामी

मनाचे श्लोक - श्लोक १३३ - अर्थ

श्रीसमर्थ या श्लोकात सांगत आहेत की, जो हरिभक्त म्हणजे हरिदास आहे, तो बहुधा विरक्त नसावयाचा व जो ज्ञाता आहे, तो बहुधा भक्त नसावयाचा. तेव्हा जो भक्ती, ज्ञान आणि वैराग्य या तिन्ही गुणांनी संपन्न आहे व ज्याची आत्मबुद्धी निश्चयात्मक झाली आहे, अशा पुरुषाच्या दर्शनाने-स्पर्शाने पुण्य लागते व त्याच्या मुखातून आलेल्या ज्ञानातून, आपल्या मनातील सगळे संशय दूर होऊन आपलीही बुद्धी निश्चयात्मक होते.

आत्मबुद्धि निश्चयाची ।
ते चि दशा मोक्षश्रीची ।
अहमात्मा हें कधी चि ।
विसरों नये ॥

कोऽहं म्हणजे ‘मी कोण’ हा संशय दूर होऊन सोऽहं असे निश्चयात्मक ज्ञान होते.

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.