मनाचे श्लोक - श्लोक १००

मनाचे श्लोक - श्लोक १०० - [Manache Shlok - Shlok 100] यथासांग रे कर्म तेंहि घडेना, घडे धर्म तें पुण्य गांठी पडेना.

समर्थ रामदास स्वामी यांनी रचलेल्या मनाचे श्लोक मधील श्लोक १००, यथासांग रे कर्म तेंहि घडेना, घडे धर्म तें पुण्य गांठी पडेना

मनाचे श्लोक - श्लोक १००

यथासांग रे कर्म तेंहि घडेना ।
घडे धर्म तें पुण्य गांठी पडेना ॥
दया पाहतां सर्व भुतीं असेना ।
फुकाचे मुखी नाम तेंही वसेना ॥ १०० ॥
- समर्थ रामदास स्वामी

मनाचे श्लोक - श्लोक १०० - संस्कृत रुपांतर (मनोबोधः)

नृभिः कर्म कर्तुं न शक्यं यथावत्
कृते धर्मकृत्येऽपि नो पुण्यलाभः ।
दया सर्वभूतेषु नैवास्ति चित्ते
अमूल्यं हरेर्नाम नो हन्त वक्त्रे ॥ १०० ॥
- समर्थ रामदास स्वामी

मनाचे श्लोक - श्लोक १०० - अर्थ

श्रीसमर्थ म्हणतात की, या कलियुगात यथाविधी कर्मे होत नाहीत, धर्म घडत नाही, घडलाच तर त्या मानाने त्याचे पुण्य पदरी पडत नाही, भूतमात्राविषयी अंतरी दया वसत नाही. अशा स्थितीत, भगवंताचे फुकटचे नाम तरी मुखी यावे, तर ते ही येत नाही. कसली ही दुर्दशा!

कलौ करितां हि न करवे स्वकर्म ।
धरितां हि न धरवे स्वधर्म ।
न कळे कैसें भूतदयावर्म ।
नाम हि फुकाचें न ये मुखीं ॥