मनाचे श्लोक १५

मनाचे श्लोक - श्लोक १५ - [Manache Shlok - Shlok 15] मना पाहता सत्य हे मृत्युभूमी, जिता बोलती सर्वही जीव मी मी.

समर्थ रामदास स्वामी यांनी रचलेल्या मनाचे श्लोक मधील श्लोक १५, मना पाहता सत्य हे मृत्युभूमी, जिता बोलती सर्वही जीव मी मी

मनाचे श्लोक - श्लोक १५

---

मना पाहता सत्य हे मृत्युभूमी ।
जिता बोलती सर्वही जीव मी मी ॥
चिरंजीव हे सर्वही मानिताती ।
अकस्मात सांडूनिया सर्व जाती ॥ १५ ॥
- समर्थ रामदास स्वामी

मनाचे श्लोक - श्लोक १५ - संस्कृत रुपांतर (मनोबोधः)

---

मनः पश्य ये संस्थिता मृत्युभूमौ
वदन्त्यामृतिं तेऽहमेवाहमित्थम् ।
चिरं जीवितं मानयन्त्यात्मनोऽज्ञाः
क्षणात् ते परित्यज्य सर्वं प्रयान्ति ॥ १५ ॥
- समर्थ रामदास स्वामी

मनाचे श्लोक - श्लोक १५ - अर्थ

---

जिवंतपणी देहबुद्धिच्या ओझ्याखाली राहून जो तो मीपणाचा गर्वच फार करत असतो. याबाबतीत श्रीसमर्थ म्हणतात -

जो जन्मासी येऊन गेला ।
तो मी थोर म्हणतां च मेला ॥

वास्तविक पाहता आपल्याकडे असं काय आहे की ज्याचा आपण अभिमान बाळगावा?

थोडे जिणें अर्धपुडी काया ।
गर्व करिती रडाया ।
शरीर आवघें पडाया ।
वेळ नाहीं ॥

समर्थांची ही ओवी फारच छान आहे. ते म्हणतात -

येथील येथें अवघें चि राहातें ।
ऐसें प्रत्ययास येतें ।
कोण काय घेऊन जातें ।
सांगाना कां ॥

असं असून देखील सर्वांचा व्यवहार कसा चालला आहे तो पहा! आपण सर्व मृत्युंजय असल्यासारखेच जगत आहोत.

जिता तों किती घालमेली करावी ।
बहूतांपरी कल्पना ते धरावी ।
कितीयेक तें आपुलें तें परावें ।
जनीं सर्व सांडूनि सेखीं मरावें ॥

मनाचे श्लोक १५ (व्हिडिओ)

---

---

• [col]
• - मनाचे श्लोक १
• - मनाचे श्लोक २
• - मनाचे श्लोक ३
• - मनाचे श्लोक ४

• [col]
• - मनाचे श्लोक ५
• - मनाचे श्लोक ६
• - मनाचे श्लोक ७
• ... मनाचे श्लोक

---

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
अभिव्यक्ती · विचारधन · तुकाराम गाथा · संत तुकाराम · अभंग · मराठी सुविचार · मराठी कोट्स · मनाचे श्लोक · समर्थ रामदास

---