मनाचे श्लोक - श्लोक २००

मनाचे श्लोक - श्लोक २०० - [Manache Shlok - Shlok 200] कळे आकळे रुप ते ज्ञान होता, तेथे आटली सर्वसाक्षी अवस्था.

समर्थ रामदास स्वामी यांनी रचलेल्या मनाचे श्लोक मधील श्लोक २००, कळे आकळे रुप ते ज्ञान होता, तेथे आटली सर्वसाक्षी अवस्था

मनाचे श्लोक - श्लोक २००

कळे आकळे रुप ते ज्ञान होता ।
तेथे आटली सर्वसाक्षी अवस्था ॥
मना उन्मनी शब्द कुंठीत राहे ।
तो रे तोचि तो राम सर्वत्र पाहे ॥ २०० ॥
- समर्थ रामदास स्वामी

मनाचे श्लोक - श्लोक २०० - संस्कृत रुपांतर (मनोबोधः)

स्वरूपं तु यज्ज्ञायते ज्ञानयोगात्
स्फुट साक्षिताऽन्तर्हिता तत्र सर्वा ।
भवेदुन्मनी कुण्ठिता वाक्च सद्यः
स एव स्वयं रामदृक् सर्वतो यः ॥ २०० ॥
- समर्थ रामदास स्वामी

मनाचे श्लोक - श्लोक २०० - अर्थ

श्रीसमर्थ सांगत आहेत की, श्रीसद्गुरुकृपेने ज्ञान झाले म्हणजे श्रीरामाचे रूप प्रत्यास येते, पण ते सांगता येत नाही. कारण त्या स्वरूपाचा प्रत्यय आला म्हणजे वाचा कुंठित होते, मन उन्मन होते व

जाणे ब्रह्म जाणे माया ।
ते येक जाणावी तूर्या ।
सर्व जाणे म्हणोनिया ।
सर्वसाक्षिणी ॥

अशी जी सर्वसाक्षी तूर्यारूप अवस्था ती सुद्धा नाहीशी होते.

म्हणोनि सर्वसाक्षी मन ।
तेची जालिया उन्मन ।
मग तूर्यारूप ज्ञान ।
तें मावळोन गेलें ॥

तेव्हा आता ते रामरूप कसे आहे म्हणून सांगावे? फार तर त्याचे वर्णन इतकेच करता येईल की, तो राम सर्वत्र भरलेला आहे.

माझा राम अवघाची आपण ।
दुसरें नाहीं त्याचीच आण ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.