मनाचे श्लोक - श्लोक १८०

मनाचे श्लोक - श्लोक १८० - [Manache Shlok - Shlok 180] गुरु पाहता पाहता लक्ष कोटी, बहूसाल मंत्रावळी शक्ति मोठी.

समर्थ रामदास स्वामी यांनी रचलेल्या मनाचे श्लोक मधील श्लोक १८०, गुरु पाहता पाहता लक्ष कोटी, बहूसाल मंत्रावळी शक्ति मोठी

मनाचे श्लोक - श्लोक १८०

गुरु पाहता पाहता लक्ष कोटी ।
बहूसाल मंत्रावळी शक्ति मोठी ॥
मनी कामना चेटके धातमाता ।
जनी व्यर्थ रे तो नव्हे मुक्तिदाता ॥ १८० ॥
- समर्थ रामदास स्वामी

मनाचे श्लोक - श्लोक १८० - संस्कृत रुपांतर (मनोबोधः)

गुरुत्वे स्थिताः कोटिशः सन्ति भूमौ
अनेकेषु मन्त्रेषु तन्त्रेषु शक्ताः ।
सदा कामकामाः कथा-गीत-कारा
नृणां भ्रामका नैव मोक्षप्रदास्ते ॥ १८० ॥
- समर्थ रामदास स्वामी

मनाचे श्लोक - श्लोक १८० - अर्थ

श्रीसमर्थ सांगत आहेत की, सद्गुरुवाचून तर मोक्ष नाही आणि सद्गुरु पहावयास जावे तर आपणांस सद्गुरु म्हणवणारे लक्षावधी नव्हे तर कोट्यावधी आहेत. त्यांचे उपदेशमंत्रही बहुविध आहेत व कित्येकांच्या ठिकाणी सामर्थ्यही मोठे दिसते. तेव्हा ते सगळेच सद्गुरु मानून, त्यांपैकी कोणाचा तरी अनुग्रह घ्यावा, का सद्गुरु ओळखण्याची काही लक्षणे आहेत की जेणेकरून त्यांची ओळख पटावी?

धात म्हणजे गीतप्रबंध व मात म्हणजे ग्रंथपाठांतर किंवा मुखाने गोष्टी सांगणे. आशाळभूत चेटूक करणारा परंतु गीतप्रबंधात, ग्रंथपाठांतरात किंवा गोष्टी सांगण्यात पुष्कळ चतुर, असला गुरु व्यर्थ होय. तो शिष्यास मुक्तिदायक होणे नाही.

शिष्यास न लाविती साधन ।
न करविती इंद्रियेदमन ।
ऐसे गुरु अडक्याचे तीन ।
मिळाले तरी त्यजावे ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.