मनाचे श्लोक - श्लोक १७९

मनाचे श्लोक - श्लोक १७९ - [Manache Shlok - Shlok 179] तिन्ही लोक जेथूनि निर्माण झाले, तया देवरायासि कोणी न बोले.

समर्थ रामदास स्वामी यांनी रचलेल्या मनाचे श्लोक मधील श्लोक १७९, तिन्ही लोक जेथूनि निर्माण झाले, तया देवरायासि कोणी न बोले

मनाचे श्लोक - श्लोक १७९

तिन्ही लोक जेथूनि निर्माण झाले ।
तया देवरायासि कोणी न बोले ॥
जगीं थोरला देव तो चोरलासे ।
गुरूवीण तो सर्वथाही न दीसे ॥ १७९ ॥
- समर्थ रामदास स्वामी

मनाचे श्लोक - श्लोक १७९ - संस्कृत रुपांतर (मनोबोधः)

त्रय्स्ते तु लोका यतः संबभूवुः
न तं देववर्यं प्रवक्तीह कश्चित् ।
जगत्यां वरिष्ठोऽस्ति देवः सुगुप्तो
विना सद्गुरुं नैव दृश्यः कदाचित् ॥ १७९ ॥
- समर्थ रामदास स्वामी

मनाचे श्लोक - श्लोक १७९ - अर्थ

श्रीसमर्थ म्हणतात की,

ब्रह्मा विष्णु आणि हर ।
त्यांसी निर्मिता तोची थोर ।
तो वोळखावा परमेश्वर ।
नाना यत्नें ॥

तो देव ठाईं पडेना ।
तरी येमयातना चुकेना ।
ब्रह्मांडनायक चोजवेना ।
हें बरें नव्हे ॥

जेणें संसारीं घातलें ।
आवघें ब्रह्मांड निर्माण केलें ।
त्यासी नाही वोळखिलें ।
तोची पतीत ॥

म्हणोनि देव वोळखावा ।
जन्म सार्थकची करावा ।
न कळे तरी सत्संग धरावा ।
म्हणिजे कळे ॥

तसेच,

ब्रह्मा विष्णु रुद्र जयाचे अवतार ।
तोची देव थोर जाण बापा ॥
जाण बापा देव देवासी निर्मिता ।
तो येक तत्वता ठांई पाडीं ॥
ठांई पाडीं देव साधूचें संगती ।
दास म्हणे गती पावसील ॥