मनाचे श्लोक - श्लोक १६९

मनाचे श्लोक - श्लोक १६९ - [Manache Shlok - Shlok 169] नसे अंत आनंत संता पुसावा, अहंकारविस्तार हा नीरसावा.

समर्थ रामदास स्वामी यांनी रचलेल्या मनाचे श्लोक मधील श्लोक १६९, नसे अंत आनंत संता पुसावा, अहंकारविस्तार हा नीरसावा

मनाचे श्लोक - श्लोक १६९

नसे अंत आनंत संता पुसावा ।
अहंकारविस्तार हा नीरसावा ॥
गुणेवीण निर्गुण तो आठवावा ।
देहेबुद्धिचा आठवु नाठवावा ॥ १६९ ॥
- समर्थ रामदास स्वामी

मनाचे श्लोक - श्लोक १६९ - संस्कृत रुपांतर (मनोबोधः)

मनोऽनन्त-बोधाय साधुं ह्युपेयाद्
अहंकार-विस्तारमेतं निरस्येत् ।
गुणातीततामेत्य चिन्त्यो ह्यनन्तो
न देहात्मबुद्धिः कदापीह कार्या ॥ १६९॥
- समर्थ रामदास स्वामी

मनाचे श्लोक - श्लोक १६९ - अर्थ

श्रीसमर्थ सांगत आहेत की,

अंतची नाही तें अनंत ।
शाश्वत आणि सदोदित ॥

असे जे स्वरूप, त्याचे ज्ञान एका सत्पुरुषाकडून करवून घ्यावे आणि तेणेकरून देहबुद्धी व देहबुद्धीचा विस्तार जो प्रपंच यांचे निरसन करावे.

गुणेविण असे जे निर्गुण, त्याचे चिंतन करावे. पण ते करत असताना मात्र देहबुद्धीचे स्मरण नसावे.

तें आठवितां विसरिजे ।
कां तें विसरोनि आठविजे ।
जाणोनिया नेणिजे ।
परब्रह्म तें ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.