मनाचे श्लोक - श्लोक १६८

मनाचे श्लोक - श्लोक १६८ - [Manache Shlok - Shlok 168] करी वृत्ती जो संत तो संत जाणा, दुराशागुणे जो नव्हे दैन्यवाणा.

समर्थ रामदास स्वामी यांनी रचलेल्या मनाचे श्लोक मधील श्लोक १६८, करी वृत्ती जो संत तो संत जाणा, दुराशागुणे जो नव्हे दैन्यवाणा

मनाचे श्लोक - श्लोक १६८

करी वृत्ती जो संत तो संत जाणा ।
दुराशागुणे जो नव्हे दैन्यवाणा ॥
उपाधी देहेबुद्धीते वाढवीते ।
परी सज्जना केविं बाधु शके ते ॥ १६८ ॥
- समर्थ रामदास स्वामी

मनाचे श्लोक - श्लोक १६८ - संस्कृत रुपांतर (मनोबोधः)

प्रशान्तां करोत्यात्मवृत्तिं स साधुः
दुराशाश्रयाद् दीनतां नोपयाति ।
उपाधिर्हि देहात्म-धी-वृद्धि-कर्त्री
कथं सा प्रबाधेत साधुं विरागम् ॥ १६८ ॥
- समर्थ रामदास स्वामी

मनाचे श्लोक - श्लोक १६८ - अर्थ

श्रीसमर्थ सांगत आहेत की, जो मनोवृत्ती स्थिर करतो, म्हणजे शाश्वत आणि अशाश्वत यांचा निवाडा करून जो शाश्वत स्वरूपी आपली वृत्ती लीन करतो, तो संत जाणावा.

जो जाणेल भगवंत ।
तया नांव बोलिजे संत ।
जो शाश्वत आणि अशाश्वत ।
निवाडा करी ॥

दुराशा म्हणजे दुष्ट आशा, प्रपंचादिकाची स्वार्थपर आशा. दैन्याला कारण स्वार्थाची आशा होय. तो स्वार्थच नसला तर दैन्य कोठून येणार ?

आशा धरितां परमार्थाची ।
दुराशा तुटली स्वर्थाची ।
म्हणोन नैराशता साधूची ।
वोळखण ॥

सिद्धदशा प्राप्त होण्यापूर्वी उपाधीत पडल्यास देहबुद्धी वाढत जाते, परंतु सिद्धदशा एकदा अंगी बाणल्यावर उपाधी काय करणार?

स्थिति बाणतां स्वरूपाची ।
चिंता सोडिली देहाची ।
याकारणें होणाराची ।
चिंता नसे ॥

स्वरूपीं लागतां बुद्धी ।
तुटे अवघी उपाधी ।
याकारणें निरोपाधी ।
साधू जन ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.