मनाचे श्लोक - श्लोक १५२

मनाचे श्लोक - श्लोक १५२ - [Manache Shlok - Shlok 152] बहूतांपरी कूसरी तत्त्वझाडा, परी अंतरी पाहिजे तो निवाडा.

समर्थ रामदास स्वामी यांनी रचलेल्या मनाचे श्लोक मधील श्लोक १५२, बहूतांपरी कूसरी तत्त्वझाडा, परी अंतरी पाहिजे तो निवाडा

मनाचे श्लोक - श्लोक १५२

बहूतांपरी कूसरी तत्त्वझाडा ।
परी अंतरी पाहिजे तो निवाडा ॥
मना सार साचार ते वेगळे रे ।
समस्तांमधे एक ते आगळे रे ॥ १५२ ॥
- समर्थ रामदास स्वामी

मनाचे श्लोक - श्लोक १५२ - संस्कृत रुपांतर (मनोबोधः)

कृते तत्त्वसंख्यासु चातुर्ययोगेपि
अवश्यो परब्रह्मणो हि प्रबोधः ।
मनः सारभूतं तु सत्यं विदूरे
समस्तेषु तद् ह्येकमेवाद्वितीयम् ॥ १५२ ॥
- समर्थ रामदास स्वामी

मनाचे श्लोक - श्लोक १५२ - अर्थ

श्रीसमर्थ सांगत आहेत की, ‘कूसरी’ म्हणजे चातुर्य. अंगी पुष्कळ चातुर्य असले किंवा तत्त्वांचा शाब्दिक उलगडा चांगला करता आला म्हणजे सार्थकता झाली असे नव्हे, तर अंतरी तो निवाडा म्हणजे शाश्वताचा निवाडा पाहिजे, शाश्वत ते ‘परब्रह्म’ त्याचे ज्ञान पाहिजे.

हे मना, खरोखर सत्य म्हणून जी वस्तू, ती वेगळीच आहे रे. तुझे हे चातुर्य किंवा तत्त्वझाडा तिच्यापुढे काहीच नाही.

ते परब्रह्म सर्वांपासून भिन्न असून देखील ते सर्वांत आहे आणि ते श्रेष्ठ आहे.

पंचभूतीं असे मिश्रित ।
परंतु तें पंचभूतातीत ।
पंकी आकाश अलिप्त ।
असोनि जैसें ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.