मनाचे श्लोक - श्लोक १३०

मनाचे श्लोक - श्लोक १३० - [Manache Shlok - Shlok 130] मना अल्प संकल्प तोही नसावा, सदा सत्यसंकल्प चित्तीं वसावा.

समर्थ रामदास स्वामी यांनी रचलेल्या मनाचे श्लोक मधील श्लोक १३०, मना अल्प संकल्प तोही नसावा, सदा सत्यसंकल्प चित्तीं वसावा

मनाचे श्लोक - श्लोक १३०

मना अल्प संकल्प तोही नसावा ।
सदा सत्यसंकल्प चित्तीं वसावा ॥
जनीं जल्प वीकल्प तोही त्यजावा ।
रमाकांत एकान्तकाळी भजावा ॥ १३० ॥
- समर्थ रामदास स्वामी

मनाचे श्लोक - श्लोक १३० - संस्कृत रुपांतर (मनोबोधः)

मनो माऽस्तु रामं विना ते विकल्पः
सदा सत्यसंकल्प एवाऽस्तु चित्ते ।
परित्यज्य जल्पं च लोके सदा त्वं
रमाकान्तमेकान्तवृत्या भजस्व ॥ १३० ॥
- समर्थ रामदास स्वामी

मनाचे श्लोक - श्लोक १३० - अर्थ

श्रीसमर्थ सांगतात की,

सत्य ब्रह्माचा संकल्प ।
मिथ्या मायेचा विकल्प ।
ऐसिया द्वैताचा जल्प ।
म चि करी ॥

ब्रह्माचा संकल्प करावा व मायेचा विकल्प त्यागावा, असे दुसऱ्या व तिसऱ्या चरणात सांगितले आहे खरे. परंतु, खरोखर मनात अल्पमात्र संकल्प नसावा, असे पहिल्या चरणात सांगितले आहे. सत्य ब्रह्माचा संकल्प करणारे मन वृत्तिरहित झाले पाहिजे.

वृत्तिरहित जें ज्ञान ।
तें चि पूर्ण समाधान ।
जेतें तुटे अनुसंधान ।
मायाब्रह्मीचें ॥

असे ज्ञान होण्याकरिता एकांतात श्रीरामाचे भजन-पूजन करावे. ध्यान-धारणेसाठी लागणाऱ्या एकांताचे महत्त्व फार आहे. एकांतात संकोचवृत्ती किंवा दांभिकपणा नसतो व चित्त श्रीरामचरणी जडण्यास सोईचे होते.

शिष्य येकांती बैसावें ।
स्वरुपीं विश्रांतीस जावें ।
तेणें गुणें दृढावे ।
परमार्थ हा ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.