मनाचे श्लोक - श्लोक ९४

मनाचे श्लोक - श्लोक ९४ - [Manache Shlok - Shlok 94] तिन्ही लोक जाळुं शके कोप येतां, निवाला हरु तो मुखे नाम घेतां.

समर्थ रामदास स्वामी यांनी रचलेल्या मनाचे श्लोक मधील श्लोक ९४, तिन्ही लोक जाळुं शके कोप येतां, निवाला हरु तो मुखे नाम घेतां

मनाचे श्लोक - श्लोक ९४

तिन्ही लोक जाळुं शके कोप येतां ।
निवाला हरु तो मुखे नाम घेतां ॥
जपे आदरें पार्वती विश्वमाता ।
म्हणोनी म्हणा तेंचि हे नाम आतां ॥ ९४ ॥
- समर्थ रामदास स्वामी

मनाचे श्लोक - श्लोक ९४ - संस्कृत रुपांतर (मनोबोधः)

त्रिलोकी-विदाहे क्षमो योऽस्ति रुष्टः
स ईशः शमं प्राप यत्कीर्तनेन ।
जपत्यादराद्यत् शिवा विश्वमाता
तदेवेह सर्वैर्जनैज़् कीर्तनीयम् ॥ ९४ ॥
- समर्थ रामदास स्वामी

मनाचे श्लोक - श्लोक ९४ - अर्थ

श्रीसमर्थ म्हणतात की, भगवान शंकर कोपले तर तिन्ही लोक जाळून त्यांचे भस्म करू शकतात. पण श्रीरामाच्या स्मरणामुळे ते शांत असतात. विश्वमाता पार्वतीदेवी सुद्धा अत्यंत आदराने श्रीरामाचे स्मरण करतात. म्हणूनच आपणही श्रीरामाचे अखंड स्मरणात लीन व्हावे.

सुरेंद्र चंद्रशेखरु ।
अखंड ध्यातसे हरु ।
जनासि सांगतो खुणा ।
श्री राम राम हें म्हणा ॥

महेश पार्वतीप्रती ।
विशेष गूज सांगती ।
सलाभ होतसे दुणा ।
श्री राम राम हें म्हणा ॥

विषें बहुत जाळिलें ।
विशेष आंग पोळिलें ।
प्रचीत माझिया मना ।
श्री राम राम हें म्हणा ॥

बहुत प्रेत्न पाहिले ।
परंतु सर्व राहिले ।
विबुधपक्षरक्षणा ।
श्री राम राम हें म्हणा ॥

बहुत पाहिले खरें ।
परंतु दोनि आक्षरें ।
चुकेल येमयातना ।
श्री राम राम हे म्हणा ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.