मनाचे श्लोक - श्लोक १०७

मनाचे श्लोक - श्लोक १०७ - [Manache Shlok - Shlok 107] मना कोपआरोपणा ते नसावी, मना बुद्धि हे साधुसंगी वसावी.

समर्थ रामदास स्वामी यांनी रचलेल्या मनाचे श्लोक मधील श्लोक १०७, मना कोपआरोपणा ते नसावी, मना बुद्धि हे साधुसंगी वसावी

मनाचे श्लोक - श्लोक १०७

मना कोपआरोपणा ते नसावी ।
मना बुद्धि हे साधुसंगी वसावी ॥
मना नष्ट चांडाळ तो संग त्यागीं ।
मना होइ रे मोक्षभागी विभागी ॥ १०७ ॥
- समर्थ रामदास स्वामी

मनाचे श्लोक - श्लोक १०७ - संस्कृत रुपांतर (मनोबोधः)

मनो नैव कार्यः प्रकोपः कदाचित्
मनः साधुसङ्गे प्रवृत्तिं कुरुष्व ।
मनो मुञ्च सङ्गं सदा दुर्जनानां
मनस्तेन ते मोक्षलाभोऽस्ति सत्यम् ॥ १०७ ॥
- समर्थ रामदास स्वामी

मनाचे श्लोक - श्लोक १०७ - अर्थ

श्रीसमर्थ या श्लोकातून आपल्या सर्वांना समजावत आहेत की, कोपाची धारणा नसावी. म्हणजे कोपाला उद्भवू देऊ नये.

संतापाचा उद्भव न होण्याला एक उपाय आहे. हे मना, सत्संगतीपासून बुद्धीला ढळू देऊ नकोस. कारण,

दुर्जनसंगती सज्जन ढांसळे ।
क्रोध हा प्रबळे अकस्मात ॥

ज्या संगतीमुळे साधक, कृतनिश्चयापासून ढळतो, ती संगत दुष्टच होय. असा चांडाळ संग सोडून, हे मना, संतसज्जनांचा संग धर. तेणेकरून तू मोक्षाचा वाटेकरी होशील.

दुर्जनाचा संग होये मना भंग ।
सज्जनाचा योग सुखकारी ॥
सुखकारी संग संतसज्जनाचा ।
संताप मनाचा दुरी ठाके ॥
चांडाळसंगती होईज चांडाळ ।
होये पुण्यसीळ साधुसंगे ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.