मनाचे श्लोक - श्लोक ८८

मनाचे श्लोक - श्लोक ८८ - [Manache Shlok - Shlok 88] बहू चांगले नाम या राघवाचे, अती साजिरे स्वल्प सोपे फुकाचे.

समर्थ रामदास स्वामी यांनी रचलेल्या मनाचे श्लोक मधील श्लोक ८८, बहू चांगले नाम या राघवाचे, अती साजिरे स्वल्प सोपे फुकाचे

मनाचे श्लोक - श्लोक ८८

बहू चांगले नाम या राघवाचे ।
अती साजिरे स्वल्प सोपे फुकाचे ॥
करी मूळ निर्मूळ घेता भवाचे ।
जिवां मानवां हेंचि कैवल्य साचें ॥ ८८ ॥
- समर्थ रामदास स्वामी

मनाचे श्लोक - श्लोक ८८ - संस्कृत रुपांतर (मनोबोधः)

अतीवोत्तमं सुन्दरं स्वल्पवर्णं
अमूल्यं सुलभ्यं हितं रामनाम ।
जनैः कीर्त्यमानं भवध्वंसकं यत्
तदेवेह कैवल्यरूपं नराणाम् ॥ ८८ ॥
- समर्थ रामदास स्वामी

मनाचे श्लोक - श्लोक ८८ - अर्थ

श्रीसमर्थ अत्यंत कळवळीने आपल्या सर्वांना बोध करवून देत आहेत की, “राम” ही दोन अक्षरे किती चांगली आहेत! ही दोन अक्षरे अत्यंत गोड असून, थोडक्यात आहेत, सोपी आहेत आणि विशेष म्हणजे फुकटचीही आहेत!

श्रोता प्रश्न करतो की यापेक्षा जास्त या नामाचे काही वैशिष्ट्ये नाहीत काय? या अक्षरांचे इतकेसेच महत्त्व असेल, तर मग यात विशेष काही नाही. वक्ता उत्तर देतो की, आम्ही पहिल्या दोन चरणांत सांगितलेले गुण तर या नामात आहेतच, पण याचा अत्यंत महत्त्वाचा गुण म्हणजे, हे नाम जो अखंडपणे स्मरतो, त्याची जन्ममरणाच्या फेऱ्यांमधून कायमची सुटका होते.

रामनाम घेतले असता भवाचे, म्हणजे जन्माचे मूळ जी वासना, त्याचे निर्मूलन नाम करते. आणि याचसाठी आम्ही म्हणतो की, रामनामस्मरण हेच आमचे खरे कैवल्यधाम होय! हाच आम्हाला लाभलेला मोक्ष होय!

सोपें सुगम हें नाम राघवाचे ।
सर्व काळ वाचे येवों द्यावें ।
येवों द्यावें वाचे नाम निरंतर ।
तेणे हा संसार तरीजेले ।
तरीजेल नामी रामदास म्हणे ।
सावधान होणें रामनामीं ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.