तांदळाच्या शेवया
तांदळाच्या शेवया
तांदळाच्या शेवया करण्यासाठी लागणारा जिन्नस
- २ वाट्या तांदळाचे पीठ
- २ वाट्या पाणी
- १ चमचा लोणी
- अर्धा चमचा मीठ
- १ नारळाचे दूध
- चवीपुरती साखर
- ३ - ४ वेलदोड्याची पूड
तांदळाच्या शेवया करण्याची पाककृती
- तांदूळ स्वच्छ धुवून सावलीत वाळवावे.
- नंतर दळून आणावे.
- ह्या पिठातील २ वाट्या पीठ घ्यावे.
- एका पातेल्यात २ वाट्या पाणी उकळण्यास ठेवावे.
- त्यात लोणी व मीठ घाला.
- पाण्याला उकळी आली की त्यात २ वाट्या तांदळाचे पीठ घालून, उलथन्याच्या टोकाने ढवळा.
- नंतर झाकण ठेवून वाफ येऊ द्यावी.
- २ - ३ वाफ आल्या की उतरवावे.
- नंतर ही उकड ताटात काढून घ्या.
- तुपाचा किंवा पाण्याचा हात लावून चांगली मळावी.
- ह्या मळलेल्या उकडीचे बेताच्या आकाराचे लांबट गोळे करावे.
- मोदकपात्रात पाणी घालून त्यावर चाळण ठेवावी.
- चाळणीवर एखादा कपडा किंवा केळीच्या पानाचा तुकडा घालावा.
- त्यावर हे गोळे ठेवून १० ते १५ मिनिटे वाफवून घ्यावे.
- नंतर खाली उतरवून शेवेच्या सोऱ्याने वरील पिठाच्या शेवयाचे चवंगे तूप लावलेल्या ताटात पाडावे.
- नारळाचे बेताचे जाडसर दूध काढा.
- त्यात साखर किंवा गूळ घालून बेताचे गोड करावे.
- वेलदोड्याची पूड घालावी.
- या दुधात शेवया घालून खायला द्या.
तांदळाच्या शेवया
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
जीवनशैली पाककला