मनाचे श्लोक - श्लोक ६०

मनाचे श्लोक - श्लोक ६० - [Manache Shlok - Shlok 60] मना राम कल्पतरु कामधेनु, निधी सार चिंतामणी काय वानूं.

समर्थ रामदास स्वामी यांनी रचलेल्या मनाचे श्लोक मधील श्लोक ६०, मना राम कल्पतरु कामधेनु, निधी सार चिंतामणी काय वानूं

मनाचे श्लोक - श्लोक ६०

मना राम कल्पतरु कामधेनु ।
निधी सार चिंतामणी काय वानूं ॥
जयाचेनि योगे घडे सर्व सत्ता ।
तया साम्यता कायसी कोण आतां ॥ ६० ॥
- समर्थ रामदास स्वामी

मनाचे श्लोक - श्लोक ६० - संस्कृत रुपांतर (मनोबोधः)

मनो रामचन्द्रो निधिः कामधेनुः
सुरद्रुर्मणिश्चिन्तितार्थप्रदश्च ।
प्रभावाद् हि यस्यैव सर्वस्य सत्ता
न तत्तुल्यतामेति कश्चिद् जगत्याम् ॥ ६० ॥
- समर्थ रामदास स्वामी

मनाचे श्लोक - श्लोक ६० - अर्थ

श्रीसमर्थ या श्लोकातून आपल्याला सांगू इच्छितात की, प्रभु श्रीरामचंद्र आपल्या सर्व कामना पूर्ण करणारा कल्पतरु आहे व कामधेनूही आहे. त्याचे अखंड स्मरण केल्यास तो आपल्याला सर्व दुःखातून मुक्त करतो.

श्रीराम सत्याचे प्रतीक आहे. श्रीराम परमात्म-स्वरूप असल्याकारणाने सर्व काही त्याच्याच सत्तेने चालते. त्यामुळे श्रीरामाची तुलना कोणाशीही करता येणार नाही.

श्रीराम माझा कल्पतरु ।
अथवा कामधेनु महुरु ।
इच्छाप्रदानीं आदरु ।
अत्यंत ज्यातें ॥ १ ॥

अथवा कुबेराचे नव निधी ।
चिंतामणी दे समृद्धी ।
तेवी सद्गुरु उदारधी ।
कोड पुरवी परोपरी ॥ २ ॥

परी हे ही दृष्टान्त ।
केवी श्रीरामी शोभत ।
दृष्टान्तवस्तूंसी वस्तुत्व ।
ज्याचिया सामर्थ्ये ॥ ३ ॥

कामधेनु कल्पतरु ।
निधी चिंतामणी सारु ।
रामसत्तामात्रें थोरु ।
असतां परी ॥ ४ ॥

कैसी रामी बरोबरी ।
करितीं बापुडीं भिकारीं ।
रामसत्ता अनुपम्य खरी ।
भुवनत्रयी ॥ ५ ॥

तस्तात् शरण जावें श्रीरामाला ।
सकल मुनिजनविश्रामाला ।
देवबंदविमोचकाला ।
अनन्य भावे ॥ ६ ॥

देवावेगळें कोणी नाही ।
ऐसें बोलती सर्व हि ।
परंतु त्यांची निष्ठा कांही ।
तैसी च नसे ॥ ७ ॥

ह्मणोनि ऐसें न करावें ।
सख्य तरी खरें चि करावें ।
अंतरीं सदृढ धरावें परमेश्वरासी ॥ ८ ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.