मनाचे श्लोक - श्लोक ५६

मनाचे श्लोक - श्लोक ५६ - [Manache Shlok - Shlok 56] दिनाचा दयाळू मनाचा मवाळू, स्नेहाळू कृपाळू जनीं दासपाळू.

समर्थ रामदास स्वामी यांनी रचलेल्या मनाचे श्लोक मधील श्लोक ५६, दिनाचा दयाळू मनाचा मवाळू, स्नेहाळू कृपाळू जनीं दासपाळू

मनाचे श्लोक - श्लोक ५६

दिनाचा दयाळू मनाचा मवाळू ।
स्नेहाळू कृपाळू जनीं दासपाळू ॥
तया अंतरी क्रोध संताप कैंचा ।
जगीं धन्य तो दास सर्वोत्तमाचा ॥ ५६ ॥
- समर्थ रामदास स्वामी

मनाचे श्लोक - श्लोक ५६ - संस्कृत रुपांतर (मनोबोधः)

दयालुः कृपालुश्च यः कोमलान्तो
जने स्नेहयुक्तश्च यो दास-पालः ।
मनो यस्य न क्रोध-संताप-युक्तं
स धन्योऽस्ति दासोऽत्र सर्वोत्तमस्य ॥ ५६ ॥
- समर्थ रामदास स्वामी

मनाचे श्लोक - श्लोक ५६ - अर्थ

श्रीसमर्थ म्हणतात,

रामदास दासा ।
सांभाळितो कैसा ।
जीव प्राण जैसा ।
तैसा पाहे ॥

जेथे नाहीं दुसरी परीं ।
क्रोध यावा कोणावरी ।
क्रोधरहित सचराचरीं ।
साधु जन वर्तती ॥

श्रीसमर्थ आपल्याला सांगत आहेत की, जो सर्वोत्तमाचा दास आहे, तो नेहमी दीनांकडे दयाळूपणे बघतो आणि तो मनाने प्रचंड मवाळ असतो. त्याच्या अंतर्बाह्य सर्वांप्रती प्रेमभाव ओतप्रोत भरलेले असते. तो सर्वांना समान लेखतो आणि रामचिंतनात स्थिरावल्यामुळे त्या अविचल शांत अवस्थेत तो कधीही कोणावरही क्रोधित होत नाही.

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.