मनाचे श्लोक - श्लोक ४९

मनाचे श्लोक - श्लोक ४९ - [Manache Shlok - Shlok 49] सदा बोलण्यासारिखे चालताहे, अनेकीं सदा एक देवासि पाहे.

समर्थ रामदास स्वामी यांनी रचलेल्या मनाचे श्लोक मधील श्लोक ४९, सदा बोलण्यासारिखे चालताहे, अनेकीं सदा एक देवासि पाहे

मनाचे श्लोक - श्लोक ४९

सदा बोलण्यासारिखे चालताहे ।
अनेकीं सदा एक देवासि पाहे ॥
सगूणी भजे लेश नाही भ्रमाचा ।
जगीं धन्य तो दास सर्वोत्तमाचा ॥ ४९ ॥
- समर्थ रामदास स्वामी

मनाचे श्लोक - श्लोक ४९ - संस्कृत रुपांतर (मनोबोधः)

सदा वक्ति यद् याति मार्गेण तेन
प्रपश्यत्यनेकेषु तो देवमेकम् ।
भ्रमस्य क्षयाद् यो भजेद्वासुदेवं
स धन्योऽस्ति दासोऽत्र सर्वोत्तमस्य ॥ ४९ ॥
- समर्थ रामदास स्वामी

मनाचे श्लोक - श्लोक ४९ - अर्थ

श्रीसमर्थांनी हा उपदेश दासबोधात व इतरत्र अनेक ठिकाणी केलेला आहे. महंतांच्या ठिकाणी जो गुण असायला पाहिजे त्यात हा श्रेष्ठ गुणांपैकी एक आहे. दासबोधात समर्थ सांगतात -

जैसे बोलणें बोलावें ।
तैसेंची चालणें चालावे ।
मग मंहतलीळा स्वभावें ।
आंगी बाणे ॥

देव सदोदित संचला ।
लोकीं बहुविध केला ।
परंतु बहुविध जाला ।
हें तों घडेना ॥

तो येकलाचि सकळां घटीं ।
करी भिन्नभिन्न राहाटी ।
सकळ सृष्टीची गोष्टी ।
किती म्हणौन सांगावी ॥

इतुके ठाईं पुरवला ।
अनेकीं येक चि वर्तला ॥

सांडील सगुण भजनासी ।
तरी तो ज्ञाता परी अपेसी ।
म्हणोनि यां सगुणभजनासी ।
सांडूच नये ॥

निर्गुण ब्रह्मावेगळें अघवें ।
भ्रमरूप ॥