मनाचे श्लोक - श्लोक ३५

मनाचे श्लोक - श्लोक ३५ - [Manache Shlok - Shlok 35] असे हो जया अंतरी भाव जैसा, वसे हो तया अंतरी देव तैसा.

समर्थ रामदास स्वामी यांनी रचलेल्या मनाचे श्लोक मधील श्लोक ३५, असे हो जया अंतरी भाव जैसा, वसे हो तया अंतरी देव तैसा

मनाचे श्लोक - श्लोक ३५

असे हो जया अंतरी भाव जैसा ।
वसे हो तया अंतरी देव तैसा ॥
अनन्यास रक्षीतसे चापपाणी ।
नुपेक्षी कदा राम दासाभिमानी ॥ ३५ ॥
- समर्थ रामदास स्वामी

मनाचे श्लोक - श्लोक ३५ - संस्कृत रुपांतर (मनोबोधः)

हृदि स्वे स्थितो यादृशो यस्य भावो
वसत्यञ्जसा तादृशस्तत्र देवः ।
अनन्यस्य यो रक्षकश्चापपाणिः
स नोपेक्षते रामचन्द्रः स्वभक्तम् ॥ ३५ ॥
- समर्थ रामदास स्वामी

मनाचे श्लोक - श्लोक ३५ - अर्थ

श्रीसमर्थ या श्लोकातून बोध करून देतात की, देवाच्या प्रती जसा भाव असेल, त्याच भावा प्रमाणे देव आपल्या हृदयात वसतात.

जया अंतरी भाव होईल जैसा ।
तयालागि तो देव पावेल तैसा ॥

वास्तविक पाहता श्रीरामाने भक्ताची कधीही उपेक्षा केलेली नाही पण मनाचा तसा निश्चयच होत नाही, याला काय करावे!

किंवा

मनीं भावना भक्ती लोकांसि जैसी ।
तयासारिखी देवरायासी तैसी ॥

किंवा

जैसे जयाचें भजन ।
तैसा चि देव हि आपण ।
म्हणौन हें आवघें जाण ।
आपण चि पासीं ॥

अनन्यतेने शरण येऊन भक्ती करत असलेल्या भक्ताची श्रीरामाने कधी उपेक्षा केल्याचे एकही उदाहरण नाही. राम त्याचे सर्व विघ्नांपासून रक्षण करतो.

च्यारीदेह निरसावे ।
साधकें देहातीत व्हावें ।
देहातीत होतां जाणावे ।
अनन्य भक्त ॥

किंवा

सदा सर्वदा देव दासाभिमानी ।
कृपा भाकितां सीघ्र पावे निदानीं ।
तया अंतरी थोर लाहान नाहीं ।
परी पाहिजे दृढ भावार्थ कांही ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.