मनाचे श्लोक - श्लोक १७१

मनाचे श्लोक - श्लोक १७१ - [Manache Shlok - Shlok 171] असे सार साचार तें चोरलेसे, इहीं लोचनी पाहता दृश्य भासे.

समर्थ रामदास स्वामी यांनी रचलेल्या मनाचे श्लोक मधील श्लोक १७१, असे सार साचार तें चोरलेसे, इहीं लोचनी पाहता दृश्य भासे

मनाचे श्लोक - श्लोक १७१

असे सार साचार तें चोरलेसे ।
इहीं लोचनी पाहता दृश्य भासे ॥
निराभास निर्गुण तें आकळेना ।
अहंतागुणे कल्पिताही कळेना ॥ १७१ ॥
- समर्थ रामदास स्वामी

मनाचे श्लोक - श्लोक १७१ - संस्कृत रुपांतर (मनोबोधः)

सुगुप्तं स्थितं वस्तु यत्सारभूतम्
भवेद् गोचरं चक्षुषोदृश्यमात्रम् ।
अदृश्यं गुणाभाव-निर्भासमेतद्
अहंताबलान्नैव यत्नेऽपि वेद्यम् ॥ १७१ ॥
- समर्थ रामदास स्वामी

मनाचे श्लोक - श्लोक १७१ - अर्थ

श्रीसमर्थ सांगत आहेत की, परब्रह्म हे सत्य गुप्त असून चर्मचक्षूने दिसणार नाही. चर्मचक्षूला दृश्य तेवढेच दिसणार.

ते परब्रह्म निराभास, निर्गुण असल्यामुळे त्याचे आकलन होत नाही. कितीही धडपड केली तरी देहबुद्धी असेपर्यंत ते कळणार नाही.

देहबुद्धी केली बळकट ।
आणि ब्रह्म पाहों गेला धीट ।
तों दृश्यानें रुधिली वाट ।
परब्रह्माची ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.