मनाचे श्लोक - श्लोक १५९

मनाचे श्लोक - श्लोक १५९ - [Manache Shlok - Shlok 159] जेणे मक्षिका भक्षिली जाणिवेची, तया भोजनाची रुची प्राप्त कैची.

समर्थ रामदास स्वामी यांनी रचलेल्या मनाचे श्लोक मधील श्लोक १५९, जेणे मक्षिका भक्षिली जाणिवेची, तया भोजनाची रुची प्राप्त कैची

मनाचे श्लोक - श्लोक १५९

जेणे मक्षिका भक्षिली जाणिवेची ।
तया भोजनाची रुची प्राप्त कैची ॥
अहंभाव ज्या मानसीचा विरेना ।
तया ज्ञान हे अन्न पोटी जिरेना ॥ १५९ ॥
- समर्थ रामदास स्वामी

मनाचे श्लोक - श्लोक १५९ - संस्कृत रुपांतर (मनोबोधः)

अहन्तात्मिका मक्षिका भक्षिता चेद्
रुचिर्भोजने तस्य पुंसः कुतः स्यात् ।
अहन्ता हि हृत्स्था न यावत्प्रयाति
सुजीर्णं भवेत् ज्ञानमन्नं न तावत् ॥ १५९ ॥
- समर्थ रामदास स्वामी

मनाचे श्लोक - श्लोक १५९ - अर्थ

श्रीसमर्थ सांगत आहेत की, ‘मी जाणतो’ अशी अभिमानवृत्तीच ज्ञानामृतभोजनातील माशी होय. ती माशी ज्याने खालली, त्याला ज्ञानभोजन गोड कोठून लागणार?

ही वृत्ती ज्याच्या मनातून नाहीशी झाली नाही, त्याला हे ज्ञानभोजन अजिबात पचणार नाही. तात्पर्य, अहंकार नष्ट झाल्यावाचून ज्ञान होणे शक्य नाही. एकदा अंतरी देव प्रगटला की मग तेथे मीपणाला उरी नाही.

अहंकार शत्रु द्वैतासि कारण ।
होवों नेदी ज्ञान स्वरूपाचें ॥

मनाचे श्लोक ११ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.