मनाचे श्लोक २१

2 0 संपादक २१ फेब्रु, २००८ संपादन

मनाचे श्लोक २१ - समर्थ रामदास स्वामी यांनी रचलेले मनाचे श्लोक २१. मना वासना चूकवीं येरझारा, मना कामना सांडी रे द्रव्यदार [Manache Shlok 21].

समर्थ रामदास स्वामी यांनी रचलेल्या मनाचे श्लोक मधील श्लोक २१, मना वासना चूकवीं येरझारा, मना कामना सांडी रे द्रव्यदारा

मनाचे श्लोक २१

मना वासना चूकवीं येरझारा ।
मना कामना सांडी रे द्रव्यदारा ॥
मना यातना थोर हे गर्भवासीं ।
मना सज्जना भेटवीं राघवासीं ॥ २१ ॥
- समर्थ रामदास स्वामी

मनाचे श्लोक २१ - संस्कृत रुपांतर (मनोबोधः)

मनो जन्म-मृत्यु-प्रदां दुःखदात्रीं
धनाऽऽप्त-प्रिया-कामनां संत्यजाशु ।
यतो यातना गर्भवासेऽस्त्यसह्या
ततो राघवे प्रीतियोगं कुरुष्व ॥ २१ ॥
- समर्थ रामदास स्वामी

मनाचे श्लोक २१ - अर्थ

श्रीसमर्थ मनाला उपदेश करताना एक ओवी सांगत आहेत -

रामेविण जे जे आस ।
तितुकी जाणावी नैराश ।
माझें माझें सावकाश ।
सीण चि उरे ॥

श्रीरामाला विसरणे म्हणजे स्वतःला अडचणीत टाकणे होय. कारण देवाच्या विस्मरणानेच हातून असंख्य पापे घडत असतात.

जनाचा लालची स्वभाव ।
आरंभी च म्हणती देव ।
म्हणिजे मजला कांही देव ।
ऐसी वासना ॥

कांही च भक्ति केली नसतां ।
आणी इच्छिती प्रसन्नता ।
जैसें कांहीं च सेवा न करितां ।
स्वामीस मागती ॥

प्रस्तुत ओव्यांमध्ये सांगितल्या प्रमाणे जनाचा स्वभाव लालची असून, व्यर्थ भाषा बरळण्याचा आहे. आणि रघुनायकाची कुठल्याही प्रकारे सेवा न करता त्याच्याकडून फळाची अपेक्षा करणे, हे ही समाजाचे एक धोरण.

अभेदामाजी वाढवी भेदा ।
ते हे अहंता ॥

अजून एक शिकवण समर्थ आपल्याला देत आहेत. ते सांगतात, वाचेत नेहमी रामनाम असावे. अहंकार आपापसात भेद निर्माण करतो. त्यामुळे अहंकाररुपी पापाहून नेहमी दूर रहावे.

मनाचे श्लोक २१ (व्हिडिओ)

[col]

[col]

सर्व विभाग / अभिव्यक्ती / विचारधन / मनाचे श्लोक
विभाग -
मराठी सुविचार · मनाचे श्लोक · तुकाराम गाथा · ज्ञानेश्वरी · दासबोध · पुस्तकातून · तत्वज्ञान · चाणक्यनीति
विषय -
मराठी सुविचार · मनाचे श्लोक

अभिप्राय

टिप्पणी जोडा

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.