पनीर टोस्ट सॅंडविच - पाककृती

पनीर टोस्ट सॅंडविच, पाककला - [Paneer Toast Sandwich, Recipe] न्याहारीसाठी कुरकुरीत, खमंग आणि झटपट होणारे पनीर टोस्ट सॅंडविच.
पनीर टोस्ट सॅंडविच - पाककृती | Paneer Toast Sandwich - Recipe

न्याहारीसाठी कुरकुरीत, खमंग आणि झटपट होणारे पनीर टोस्ट सॅंडविच


पनीर टोस्ट सॅंडविच



पनीर टोस्ट सॅंडविच करण्यासाठी लागणारा जिन्नस


  • ६ ब्रेड स्लाईसेस
  • १ कांदा (उभे पातळ काप)
  • १ सिमला मिरची (उभे पातळ काप)
  • १ चमचा चाट मसाला
  • ३ चमचे हिरवी चटणी
  • ७५ ग्रॅम पनीर (लहान चौकोनी तुकडे)
  • १ चमचा बटर
  • अर्धा चमचा जीरेपूड
  • २ - ३ चमचे टोमॅटो केचअप
  • चविनुसार मीठ

पनीर टोस्ट सॅंडविच करण्याची पाककृती


  • एका वाडग्यात टोमॅटो केचअप, जीरेपूड आणि किंचीतसे मीठ घालून मिक्स करावे.
  • तयार मिश्रणात पनीरचे तुकडे घोळवून १० मिनीटे मॅरिनेट करावेत.
  • १० मिनिटाने पनीरचे तुकडे ग्रील करावेत. जर ग्रील नसेल तर नॉनस्टिक पॅनमध्ये कमी बटरवर किंवा ऑलिव्ह ऑईलमध्ये थोडे परतून घ्यावे.
  • ग्रील केल्यावर पनीर बाजूला काढून ठेवावे.
  • ब्रेड स्लाइसेसवर बटर लावून घ्यावे.
  • मंद आचेवर ब्रेड थोडे भाजून घ्यावेत.
  • आता ३ ब्रेड स्लाईसेस घ्यावेत. त्यावर हिरवी चटणी लावून घ्यावी.
  • त्यावर पनीरचे तुकडे, कांदा, सिमला मिरचीचे काप ठेवावेत. थोडासा चाट मसाला भुरभुरावा.
  • आता उरलेल्या ३ ब्रेड स्लाईसेस वर हिरवी चटणी लावावी आणि पनीरच्या तुकड्यांवर ठेवून सॅंडविच तयार करावे.
  • सॅंडविच ग्रील करुन घ्यावे किंवा नॉनस्टिक पॅनमध्ये थोडे बटर लावून दोन्ही बाजूने मध्यम आचेवर टोस्ट करून घ्यावीत.
  • तयार आहे पनीर टोस्ट सॅंडविच.
  • पनीर टोस्ट सॅंडविच हिरव्या चटणीसोबत किंवा टोमॅटो केचअप सोबत खाण्यास द्यावे.

पनीर टोस्ट सॅंडविच

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.