पेपर रस्सम - पाककृती

पेपर रस्सम, पाककला - [Pepper Rasam, Recipe] दक्षीण भारतातील प्रसिद्ध पेपर रस्सम बनविण्याची पारंपारीक पद्धत.
पेपर रस्सम - पाककृती | Pepper Rasam - Recipe

दक्षीण भारतातील प्रसिद्ध पेपर रस्सम बनविण्याची पारंपारीक पद्धत


पेपर रस्सम



पेपर रस्सम करण्यासाठी लागणारा जिन्नस


  • १ टीस्पून तेल
  • १/४ टीस्पून हिंग
  • पाव टीस्पून हळद
  • ४ - ५ कडीपत्ता पाने
  • २- ३ टीस्पून कोथिंबीर
  • १ लहान टोमॅटो बारीक चिरुन
  • ३ - ४ लसूण पाकळ्या
  • २ ते ३ टीस्पून चिंचेचा कोळ
  • १ टेबलस्पून शिजवलेले तुरीचे वरण
  • चवीनुसार मीठ

रस्सम मसाला पावडर बनविण्यासाठी लागणारा जिन्नस


  • १ टीस्पून धणे
  • १/२ टीस्पून काळी मिरी
  • १/२ टीस्पून जीरे
  • २ - ३ सुक्या लाल मिरच्या

पेपर रस्सम करण्याची पाककृती


  • सर्वात आधी धणे, जीरे, काळी मिरी आणि लाल मिरच्या वेगवेगळे कोरडेच हलके भाजावे
  • मसाले गार झाले की त्यांची मिक्सरमध्ये बारीक पावडर बनवून घ्यावी.
  • तयार आहे रस्सम मसाला पावडर.
  • आता पातेल्यात तेल गरम करावे.
  • तेलामध्ये हिंग, हळद, लसूण आणि कडिपत्ता घालून परतावे.
  • १ चमचा रस्सम पावडर घालावी. १५ ते २० सेकंद परतावी.
  • बारीक चिरलेली कोथिंबीर आणि टोमॅटो घालून टोमॅटो मऊ होईपर्यंत परतावे. नंतर २ कप गरम पाणी घालावे.
  • वरण आणि चवीनुसार चिंचेचा कोळ घालावा. त्यानुसार मीठ घालावे.
  • मंद आचेवर उकळी काढावी.
  • तयार पेपर रस्सम गरम गरम प्यावे किंवा भाताबरोबर सर्व्ह करावे.

पेपर रस्सम

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.