सजला म्हणे दरबार (मराठी कविता)

सजला म्हणे दरबार (मराठी कविता) - मराठीमाती डॉट कॉमचे सभासद कवी आशिष चोले यांची सजला म्हणे दरबार ही मराठी कविता.

पीठासीनही मुसक्या बांधून शोभा दरबारी वाढवत होता...

सजला म्हणे दरबार (मराठी कविता)

मराठीमाती डॉट कॉमचे सभासद कवी ‘आशिष चोले’ यांची ‘सजला म्हणे दरबार’ ही मराठी कविता.

...आज म्हणे तो आला होता,
सजला म्हणे दरबार होता.

पीठासीनही मुसक्या बांधून शोभा दरबारी वाढवत होता,
मुकी अन ती फौज बहिरी तालावरती नाचवत होता.
युद्ध एकटाच लढवत होता बंदी घालून विरोधकांना,
उरली सुरली डिवचत होती तमाशा त्याला घालताना.

...आज म्हणे तो आला होता,
सजला म्हणे दरबार होता.

प्रांती त्या गुरु गोविंदसिंहाच्या लोकभावना तो तुडवून गेला,
रचला होता डाव तिथेही पण आदिवासी पुरून उरला.
आज पहिला पूर होता कुशन प्रांती जनतेचा,
दूर ठेवा हाथ तुमचा दरी डोंगर पर्वत आमचा.

...आज म्हणे तो आला होता,
सजला म्हणे दरबार होता.

देश उत्तरी पोखरून घेतला मठ तरीही देवभूमीने तारला,
सोनम सांगे एकाच ज्ञान धरती मेरी हमारी है पहचान.
आज प्रश्नही तोच होता उद्धवने जो केला होता,
पाहिलं होत चांदणं शरदाचे चोरून जो नेत होता.

बोलता बोलता थांबत नव्हता घोट नरडीचा फक्त राहिला होता,

...आज म्हणे तो आला होता,
सजला म्हणे दरबार होता.

सजला म्हणे दरबार (मराठी कविता) यासंबंधी महत्त्वाचे दुवे:

- आशिष चोले

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.