आत्महत्येशी शेवटचा संवाद - मराठी कविता (हर्षद खंदारे)

मराठीमाती डॉट कॉमचे निर्माते-मुख्य संपादक, लेखक आणि कवी हर्षद खंदारे यांची आत्महत्येशी शेवटचा संवाद ही मराठी कविता.

विषारी अनुभव आणि अहंकाराच्या वारुळातून मुक्त होऊन आत्म्याच्या शांती आणि प्रकाशाचा शोध घेण्याची भावनात्मक यात्रा दर्शविणारी कविता..

आत्महत्येशी शेवटचा संवाद

हर्षद खंदारे (निर्माते-मुख्य संपादक, मराठीमाती डॉट कॉम)

ही कविता मन आणि अनुभवांच्या विरोधाभासी प्रवाहाचे गूढ भावचित्रण करते. कवितेत व्यक्तीच्या अनुभवातील विषारी, बेगडी भावनांचा अहंकार आणि त्यातून निर्माण होणारी तीव्र अस्वस्थता स्पष्ट आहे. मात्र, त्याच विरोधाभासात कवी स्वतःला नितळ आकाश, सोनेरी सूर्यप्रकाशात विलीन करताना, शांती आणि मुक्तीचा अनुभव घेतो. शब्द, अर्थ, गूढ आणि काळोख यांचा प्रवाह हा मनाच्या जटिलतेचे प्रतीक आहे. पुन्हा–पुन्हा येणारे स्वप्न म्हणजे आतून बाहेर पडण्याची, हरवून जाण्यापूर्वीच्या क्षणाची अंतर्मुख अनुभूती आहे. कविता व्यक्त करते की जिवंत राहण्यासाठी आणि स्वतःला शोधण्यासाठी प्रत्येकाला विषारी भावनांच्या वारुळातून बाहेर पडणे आवश्यक असते आणि त्या प्रक्रियेत मुक्ती, प्रकाश आणि स्वप्नही समोर येते.

तूझ्या अहंकाराचा कुबट वास आणि बेगडी संवेदनांची थंडगार लगट माझ्या अंगभर सरपटत येते तसा मी तुझ्या त्या विषारी अनुभूती पासून स्वतःला अलगद विलग करून घेत सोनेरी सूर्यप्रकाशात न्हालेल्या नितळ आकाशात विरून जातो; हे स्वप्न आहे हे पुन्हा - पुन्हा पुटपुटत त्या मिट्ट काळोखात हरवून जाण्यापूर्वी तुझ्या कपाळावर गोंदण मी भिरभिरत राहतो तुझ्या विखारी विचारांचा निरंकारी शब्द. शब्दांची, अर्थांची भीती ओघळत येते हळूवार तुझ्या विषारी रसातून त्याच्या आत बाहेर खोल - खोल पोकळीत रांगत राहतेस, जल्लोष करत राहतेस तळमळत्या आभासी अमृतकुंभात जगण्यासाठी, जिवंत राहण्यासाठी, हरवून जाण्याच्या गूढ अनाकलनीय तुझ्याच वारुळात मी मात्र सोनेरी किरणांच्या पायवाटेवर नितळ आकाशात विरून जातो; हे स्वप्न आहे हे पुन्हा - पुन्हा पुटपुटत त्याच मिट्ट काळोखात हरवून जाण्यापूर्वी आत्महत्येशी शेवटचा संवाद

हर्षद खंदारे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.