गुजराती कढी (पाककृती)

गुजराती कढी (पाककृती) - गुजरातची प्रसिद्ध आणि उन्हाळ्यामध्ये थंडावा देणारी अशी गुजराती कढी [Gujarati Kadhi, Recipe].

जिभेला चव आणणाऱ्या कढीची खमंग पाककृती

गुजराती कढी (पाककृती)

(Gujarati Kadhi recipe) गुजरातचा प्रसिद्ध आणि उन्हाळ्यामध्ये थंडावा देणारा हा कढीचा प्रकार जीरा राईस किंवा मुगडाळीच्या खिचडीसोबत खायला फारच रूचकर लागतो.

गुजराती कढीसाठी लागणारा जिन्नस

८ - १० वाट्या बेताचे आंबट ताक
५ - ६ छोट्या लाल मिरच्या
आल्याचा तुकडा
२ टेबलस्पून डाळीचे पीठ (बेसन)
मीठ
थोडासा गूळ
२ - ३ लवंगा
१ दालचिनीचा तुकडा
१/२ चमचा मोहरी

गुजराती कढीची पाककृती

मिरच्या, आले, मोहरी, लवंग, दालचिनी हे पदार्थ वाटून घ्यावेत व ताकात घालावेत.
डाळीचे पीठ थोड्या पाण्यात कालवून घ्यावे व ताकात घालावे.
गूळ व मीठ घालून कढीला उकळी आणावी. थोडा कडिपत्ता व कोथिंबीर टाकावी.
नंतर हिंग, जीरे व ५ - ६ छोट्या लाल मिरच्या घालून वरून तुपाची फोडणी द्यावी.
एक उकळी काढून गॅस बंद करावा. तयार आहे गुजराती कढी.

जीरा राईस किंवा खिचडीसोबत ही कढी छान लागते.
ही कढी थोडी दाट असते. हळद घालू नये.

गुजराती कढी (पाककृती) संबंधी महत्त्वाचे दुवे:

स्वाती खंदारे

संपादिका, मराठीमाती डॉट कॉम । पुणे

संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

अधिक माहिती पहा । सर्व लेखन पहा

जीवनशैली पाककला

[col]

[col]

[col]

[col]

[col]

[col]

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.