गुळाची पोळी - पाककृती

0 0 संपादक ३ जाने, २००८ संपादन

गुळाची पोळी, पाककला - [Gulachi Poli, Recipe] संक्रांतीमिनित्त घरोघरी बनविली जाणारी खमंग व खुसखुशीत अशी ‘गुळाची पोळी’ कशी बनवतात ते आज आपण पाहूयात.

खमंग व खुसखुशीत गुळाची पोळी

‘गुळाची पोळी’साठी लागणारा जिन्नस

अर्धा किलो गूळ
अर्धी वाटी तीळ
अर्धी वाटी किसलेले सुके खोबरे
७-८ वेलचीची पूड
१ डावभर खसखस
१ डावभर डाळीचे पीठ
अर्धा किलो कणीक
अर्धी वाटी तेल

‘गुळाची पोळी’ची पाककृती

गूळ किसणीवर किसून घ्यावा.
सुके खोबरे, तीळ, खसखस भाजून मिक्सरमध्ये वाटून किसलेल्या गुळात घालावे.
डाळीचे पीठ तेलावर भाजून या मिश्रणात मिसळावे. वरून वेलचीची पूड घालून सर्व मिश्रण एकत्र करून त्याचे पुरीच्या गोळीएवढे गोळे बनवावेत.
कणकेमध्ये अर्धी वाटी तेल घालून नेहमीच्या कणकीप्रमाणे भिजवावी.
त्याचे पुरीएवढे २ गोळे घेऊन त्या लाट्याच्या मध्ये गुळाचा एक गोळा घालून सर्व बाजू नीट बंद करावे व हळूहळू पोळी लाटावी.
तव्यावर तेल किंवा तूप लावून मंद आचेवर दोन्ही बाजूने भाजावी.
वरून तुपाची धार लावून गरमागरम गुळाची पोळी खाण्यास द्या.

टिप: गुळाची पोळी २-३ दिवस चांगली राहते.

स्वाती खंदारे

संपादिका, मराठीमाती डॉट कॉम

संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

अधिक माहिती पहा । सर्व लेखन पहा

जीवनशैली / पाककला

[col]

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.