फलमाधूरी - पाककृती - मराठीमाती । माझ्या मातीचे गायन

फलमाधूरी - पाककृती

फलमाधूरी, पाककला - [Phalmadhuri, Recipe] सर्व किंवा आवडती फळे घेवून त्यात गोड दही घालून बनवलेली पौष्टिक असलेली आणि सर्वच आवडीने खातील अशी ‘फलमाधूरी’ जेवणानंतर सर्व्ह करा.

सर्व फळांनी युक्त पौष्टिक अशी फलमाधूरी

‘फलमाधूरी’साठी लागणारा जिन्नस

अर्धी वाटी बारीक चिरलेले सफरचंदाचे तुकडे
१०-१२ हिरवी द्राक्षे
१-१ मोसंबी व संत्रे
१ वाटी घट्ट गोड दही
२ मोठे चमचे ऑरेंज स्क्वॅश किंवा स्ट्रॉबेरी क्रश
पाव चमचा लिंबाचा रस
१ चमचा मीठ

‘फलमाधूरी’ची पाककृती

संत्रे व मोसंबी सोलून पाकळ्या सुट्या कराव्या.
द्राक्षे धुवावी, बियांची द्राक्षे असल्यास अर्धी चिरून बिया काढाव्या.
द्राक्षांची साल काही वेळा जाड असते त्यामुळे ती सोलावी.
सफरचंद चिरून त्यावर लिंबाचा रस घालावा म्हणजे तुकडे काळे पडणार नाहीत.
आता ही सर्व फळे एका बाऊलमध्ये एकत्र करून त्यामध्ये गोड दही, ऑरेंज स्क्वॅश किंवा स्ट्रॉबेरी क्रश, चवीनुसार मीठ घालून ढवळा व थंड थंड सर्व्ह करा.