झपूर्झा - मराठी कविता (केशवसुत)

झपूर्झा (मराठी कविता) - ज्येष्ठ आणि प्रसिद्ध मराठी कवी केशवसुत (कृष्णाजी केशव दामले) यांची झपूर्झा ही लोकप्रिय मराठी कविता.

हर्षखेद ते मावळले, हास्य निमाले, अश्रु पळाले

---

झपूर्झा - मराठी कविता (केशवसुत)

ज्येष्ठ आणि प्रसिद्ध मराठी कवी केशवसुत (कृष्णाजी केशव दामले) यांची ‘झपूर्झा’ ही लोकप्रिय मराठी कविता.

---

हर्षखेद ते मावळले

हास्य निमाले
अश्रु पळाले

कंटक-शल्ये बोथटली
मखमालीची लव वठली
काही न दिसे दृष्टीला

प्रकाश गेला
तिमिर हरपला

काय म्हणावे या स्थितीला
झपूर्झा! गडे झपूर्झा

हर्षशोक हे ज्या सगळे

त्या काय कळे
त्या काय वळे

हसतील जरी ते आम्हाला
भय न धरु हे वदण्याला
व्यर्थी अधिकची अर्थ वसे

तो त्यास दिसे
ज्या म्हणती पिसे

त्या अर्थाचे बोल कसे
झपूर्झा! गडे झपूर्झा

ज्ञाताच्या कुंपणावरुन

धीरत्व धरुन
उड्डाण करुन

चिद्घनचपला ही जाते
नाचत तेथे चकचकते
अंधुक आकृति तीस दिसती

त्या गाताती
निगूढ गीती

त्या गीतीचे ध्वनि निघती
झपूर्झा! गडे झपूर्झा

नांगरल्याविण भुई बरी

असे कितितरी
पण शेतकरी

सनदी तेथे कोण वदा
हजारातुनी एखादा
तरी न तेथुनि वनमाला

आणायाला
अटक तुम्हाला

मात्र गात हा मंत्र चला
झपूर्झा गडे-झपूर्झा

पुरुषाशी त्या रम्य अति

नित्य प्रकृति
क्रीडा करती

स्वरसंगम त्या क्रीडांचा
ओळखणे हा ज्ञानाचा
हेतू तयाची सुंदरता

व्हाया चित्ता
प्रत ती ज्ञाता

वाडे कोडे गा आता
झपूर्झा! गडे-झपूर्झा

सूर्य चंद्र आणिक तारे

नाचत सारे
हे प्रेमभरे

खुडित खपुष्पे फिरति जिथे
आहे जर जाणें तेथे
धरा जरा नि:संगपणा

मारा फिरके
मारा गिरके

नाचत गुंगत म्हणा म्हणा
झपूर्झा! गडे-झपूर्झा

---

केशवसुत यांच्या इतर प्रसिद्ध कविता:

• एक तुतारी - मराठी कविता (केशवसुत)
• आम्ही कोण - मराठी कविता (केशवसुत)
• तुतारी (मराठी कविता)
• आम्ही कोण (मराठी कविता)

---

- केशवसुत (कृष्णाजी केशव दामले)