आम्ही कोण - मराठी कविता (केशवसुत)

ज्येष्ठ आणि प्रसिद्ध मराठी कवी केशवसुत यांची आम्ही कोण ही लोकप्रिय मराठी कविता.

झपूर्झा - मराठी कविता (केशवसुत)

एक तुतारी - मराठी कविता (केशवसुत)

तुतारी - मराठी कविता (केशवसुत)

आम्ही कोण (मराठी कविता)

---

आम्ही कोण - मराठी कविता (केशवसुत)

ज्येष्ठ आणि प्रसिद्ध मराठी कवी केशवसुत यांची आम्ही कोण ही लोकप्रिय मराठी कविता.

---

आम्ही कोण म्हणूनी काय पुससी? आम्ही असू लाडके
देवाचे दिधले असे जगत ये आम्हांस खेळावया

विश्वी या प्रतिभाबले विचरतो चोहीकडे लीलया
दिक्कालांतुनी आरपार अमुची दृष्टी पहाया शके

सारेही बडिवार येथिल पहा! आम्हांपुढे ते फिके
पाणिस्पर्शच आमुचा शकतसे वस्तूंप्रती द्यावया
सौंदर्यातीशया, अशी वसतसे जादू करांमाजि या

फोले पाखडिता तुम्ही, निवडितो ते सत्त्व आम्ही निके
शून्यामाजी वसाहती वसविल्या कोणी सुरांच्या बरे
पृथ्वीला सुरलोक साम्य झटती आणावया कोण ते
ते आम्हीच, सुधा कृतींमधुनीया ज्यांच्या सदा पाझरे
ते आम्हीच शरण्य, मंगल तुम्हां ज्यांपासुनी लाभते

आम्हांला वगळा - गतप्रभ झणी होतील तारांगणे
आम्हांला वगळा - विकेल कवडीमोलावरी हे जिणे

- केशवसुत