आम्ही कोण (मराठी कविता)

आम्ही कोण (मराठी कविता), छायाचित्र: हर्षद खंदारे

प्रसिद्ध आद्य मराठी कवी केशवसुत यांची लोकप्रिय मराठी कविता आम्ही कोण.

आम्ही कोण म्हणूनि काय पुससी? आम्ही असू लाडके देवाचे दिधले असे जग तये आम्हांस खेळावया विश्र्वी या प्रतिभावले विचरतो चोहीकडे लीलया दिक्कालांतुनि आरपार अमुची द्रुष्टी पहाया शके सारेही बडिवार येथिल पहा! आम्हांपुढे ते फिके पाणिस्पर्शच आमुचा शकतसे वस्तूंप्रती द्यावया सौंदर्यातिशया,अशी वसतसे जादु करांमजि या फोले पाखडिता तुम्ही, निवडितो ते सत्व आम्ही निके! शून्यामाजि वसाहती वसविल्या कोणी सुरांच्या बरे? पृथ्वीला सुरलोक साम्य झटती आणावया कोण ते? ते आम्हीच, सुधा कृतींमधुनिया ज्यांच्या सदा पाझरे ते आम्हीच शरण्य, मंगल तुम्हां ज्यांपासुनी लाभते! आम्हांला वगळा-गतप्रभ झणी होतील तारांगणे आम्हांला वगळा-विकेल कवडीमोलावरी हे जिणे!

- केशवसुत (कृष्णाजी केशव दामले) यांच्या कविता संग्रहातून.

संपादक मंडळ
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहा । सर्व लेखन पहा