मोड आलेल्या मसुराचा पुलाव
‘क’ जीवनसत्वयुक्त लिंबू, कोथिंबीर यासारखे पदार्थ असल्यामुळे हा पुलाव सर्वच दृष्टीने पौष्टिक असतो.
मोड आलेल्या मसुराचा पुलाव करण्यासाठी लागणारा जिन्नस
- एक वाटी तांदूळ
- अर्धी वाटी मोड आलेले मसूर
- अर्धी वाटी कापलेले गाजराचे पातळ काप
- एक छोटा चमचा गरम मसाला
- एक छोटा कांदा
- एक छोटा लिंबू
- दहा पाकळ्या लसूण
- अर्धी वाटी किसलेले ओले खोबरे
- पाव वाटी चिरलेली कोथिंबीर
- अर्धा चमचा हळद
- चवीनुसार मीठ
- आवश्यकतेनुसार तेल
मोड आलेल्या मसुराचा पुलाव करण्याची पाककृती
- तांदूळ स्वच्छ धुवून घ्या.
- धुतलेले तांदूळ अर्धवट शिजवून घ्या.
- दुसर्या पातेल्यामध्ये तेल गरम करुन त्यात हळद, वाटलेला लसूण व आलं टाका.
- आता त्यात मोड आलेले मसूर, गरम मसाला व मीठ टाकून भरपूर पाण्यामध्ये शिजवा.
- नंतर एका पातेल्यात अर्धवट शिजवलेला भात पसरून टाका.
- वरुन तेल किंवा तूप टाका.
- गरजेनुसार त्यात थोडेसे पाणी शिंपडून पातेल्यावर झाकण ठेऊन ते सर्व शिजू द्या.
- पुलाव शिजल्यावर वाढताना त्यावर किसलेले खोबरे, गाजराचे काप व कोथिंबीर टाकून सजवा आणि लिंबूसोबत वाढा.
मोड आलेल्या मसुराचा पुलाव
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
जीवनशैली पाककला