रवा मूगडाळ उपमा - पाककृती

रवा मूगडाळ उपमा, पाककला - [Rava Mugadal Upma, Recipe] न्याहारीसाठी हलका फुलका स्वादिष्ट असा रवा मूगडाळ उपमा.
रवा मूगडाळ उपमा - पाककृती | Rava Mugadal Upma - Recipe

न्याहारीसाठी हलका फुलका स्वादिष्ट असा रवा मूगडाळ उपमा


गरमागरम उपम्यावर लिंबू पिळले असता उपम्याला एक वेगळीच चव येते.



रवा मूगडाळ उपमा करण्यासाठी लागणारा जिन्नस


  • दोन वाट्या साधा रवा
  • पाऊण वाटी मुगाच्या डाळीचा रवा
  • चार - पाच हिरव्या मिरच्या
  • तीन छोटे कांदे
  • एक छोटा चमचा साखर
  • एक टोमॅटो
  • पाच वाट्या गरम पाणी
  • आवश्यकतेनुसार शेंगदाणे
  • कोथिंबीर
  • लिंबू
  • चवीनुसार मीठ

रवा मूगडाळ उपमाच्या फोडणीसाठी लागणारा जिन्नस


  • एक मोठा चमचा तेल
  • अर्धा चमचा जीरे
  • अर्धा चमचा मोहरी
  • ४ - ५ कडिपत्याची पाने

रवा मूगडाळ उपमा करण्याची पाककृती


  • मुगाची डाळ थोडीशी भाजून घेऊन बारीक वाटून रवा तयार करा.
  • मुगाचा आणि साधा असा दोन्ही प्रकारचा रवा लालसर भाजून बाजूला ठेवा.
  • यानंतर एका कढईत तेल टाकून शेंगदाणे तळून घेऊन बाजूला काढा.
  • त्यानंतर तेलामध्ये फोडणीसाठी जीरे, मोहरी, कढीपत्ता, मिरच्या आणि कांदा टाकून परता.
  • कांदा लालसर झाल्यानंतर त्यात बारीक चिरलेला टोमॅटो टाका व चवीनुसार मीठ घालून चांगले परतून घ्या.
  • परतल्यावर यामध्य दोन्ही प्रकारचे रवे घालून पुन्हा चांगले परतून घ्या.
  • व्यवस्थित परतल्यावर त्यामध्ये गरम पाणी घालून झाकून वाफ येइपर्यंत ठेवा.
  • गरमागरम उपमा कोथिंबीर घालून व लिंबू पिळून खायला द्या.

रवा मूगडाळ उपमा

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.