दडपे पोहे - पाककृती

दडपे पोहे, पाककला - [Dadape Pohe, Recipe] पौष्टिक, चविष्ट आणि न्याहारीसाठी एक वेगळा पर्याय म्हणजे दडपे पोहे.
दडपे पोहे - पाककृती | Dadape Pohe - Recipe

पौष्टिक, चविष्ट आणि न्याहारीसाठी एक वेगळा पर्याय म्हणजे दडपे पोहे


दडप्या पोह्यांमध्ये टोमॅटो, खोबरे, कोथिंबीर, पोहे यांसारखे पदार्थ कच्चे घातल्यामुळे हे दडपे पोहे खूपच पौष्टिक असतात.



दडपे पोहे करण्यासाठी लागणारा जिन्नस


  • दोन वाट्या पातळ पोहे
  • पाव वाटी किसलेले ओले खोबरे
  • एक छोटा किसलेला किंवा चिरलेला कांदा
  • एक चिरलेला टोमॅटो
  • दोन हिरव्या मिरच्या
  • अर्धी वाटी चिरलेली कोथिंबीर
  • लिंबू
  • पाव वाटी शेंगदाणे
  • एक इंच आल्याचा तुकडा

दडपे पोहे करण्यासाठी लागणारा फोडणीचा जिन्नस


  • दोन छोटे चमचे तेल
  • ३ - ४ कडिपत्त्याची पाने
  • पाव चमचा हळद
  • छोटा चमचा मोहरी

दडपे पोहे करण्याची पाककृती


  • सर्वप्रथम छोट्या कढईत फोडणी करुन त्यात हिरव्या मिरच्या, कडिपत्ता व शेंगदाणे टाका.
  • तयार फोडणी कोरड्या पोह्यांवर वरुन टाका.
  • पोहे व्यवस्थित हलवून घ्या.
  • आता त्यात किसलेले ओले खोबरे, आले, किसलेला किंवा बारीक केलेला व चिरलेला टोमॅटो टाका.
  • यानंतर त्यावर चिरलेली कोथिंबीर व चवीपुरते मीठ टाका.
  • लिंबू पिळून पोहे चांगले मिसळा
  • फोडणी न देताही हे पोहे नुसते तेल व इतर साहित्य वरुन घालून करता येतात.

दडपे पोहे

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.